Con data do 13 de maio de 2019, publícase no Diario Oficial de Galicia a resolución pola cal se nomea o tribunal cualificador das probas selectivas para o acceso á escala técnica superior de administración, subgrupo A1, convocadas mediante a Resolución do 29 de novembro de 2018.

Con posterioridade, producíronse circunstancias que afectan nomeamentos do tribunal, á vista das que o reitor resolve efectuar as seguintes modificacións:

Primeiro. Nomear a Isabel Espín Alba, profesora titular de universidade da USC, vogal suplente en substitución de María Belén Trigo García.

Segundo. Indicar a escala a que pertencen os seguintes membros do tribunal que foron nomeados/as mediante a Resolución do 26 de abril de 2019:

– María Pilar Martínez García, funcionaria de carreira da escala técnica superior de administración.

– Carlos Alberto Gómez Otero, funcionario de carreira da escala técnica superior de administración.

– Maruxa Casal Reyes, funcionaria de carreira da escala técnica superior de administración.

– Xosé Antón Freire Ramos, funcionario de carreira da escala técnica superior de administración.

– Elsa María Mosquera Barcia, funcionaria de carreira da escala técnica superior de administración.

– Nieves Rodríguez Díez, funcionaria de carreira da escala facultativa de arquivos e bibliotecas, especialidade bibliotecas.

Contra esta resolución, que esgota a vía administrativa, poderase interpor un recurso contencioso-administrativo, ante o Xulgado do Contencioso-Administrativo de Santiago de Compostela, no prazo de dous meses contados desde o día seguinte ao da súa publicación, de conformidade co disposto na Lei 29/1998, do 13 de xullo, reguladora da xurisdición contencioso-administrativa.

Non obstante, as persoas interesadas poderán interpoñer recurso potestativo de reposición, no prazo dun mes, perante o órgano que a ditou. Neste caso, non se poderá interpor o dito recurso contencioso-administrativo mentres non se dite resolución expresa ou presunta do recurso administrativo de reposición, ao abeiro do artigo 123 e seguintes da Lei 39/2015, do 1 de outubro, do procedemento administrativo común das administracións públicas.

Santiago de Compostela, 28 de xuño de 2019

Antonio López Díaz
Reitor da Universidade de Santiago de Compostela