No Tribunal Superior de Xustiza de Galicia, Sala do Contencioso-Administrativo, tramítase o procedemento ordinario 153/2019 interposto por Ana Belén Méndez Fernández contra as normas de elaboración do plan de organización docente - POD para o curso 2019/20, aprobadas en Consello de Goberno da Universidade de Vigo que tivo lugar o 20 de marzo de 2019.

O que se notifica para xeral coñecemento de todas as persoas interesadas no procedemento, que son emprazadas para que poidan comparecer no xulgado no prazo de nove días, contados a partir do seguinte ao da publicación desta resolución no DOG, de conformidade co previsto no artigo 49 da Lei 29/1998, do 13 de xullo, reguladora da xurisdición contencioso-administrativa.

Vigo, 27 de xuño de 2019

Manuel Joaquín Reigosa Roger
Reitor da Universidade de Vigo