III. Outras disposicións
Consellería de Cultura e Turismo
CORRECCIÓN DE ERROS. Resolución do 18 de xuño de 2019, da Secretaría Xeral de Política Lingüística, pola que se conceden as axudas aos proxectos de fomento do uso do galego dos centros de titularidade pública de Galicia que imparten ensinanzas regradas de niveis non universitarios, para o curso escolar 2018/19 (código de procedemento PL500A).
Advertido un erro na devandita resolución, publicada no Diario Oficial de Galicia número 121, do 27 de xuño de 2019, cómpre facer a seguinte corrección:
Na páxina 30428, na penúltima fila da táboa do anexo, número de orde 318, expediente COPU420, provincia A Coruña, localidade Santiago de Compostela, centro IES Plurilingüe Rosalía de Castro, no importe concedido, onde di: «810», debe dicir: «800».