Unha vez aprobado inicialmente, mediante a Resolución da Alcaldía, do 30 de maio de 2019, o proxecto de delimitación de solo de núcleo rural da Forxa, San Roque, As Quintás e O Bacelo, de conformidade co artigo 78 da Lei 2/2016, do 10 de febreiro, do solo de Galicia, sométese a información pública polo prazo de dous meses contados desde o día seguinte ao da última publicación deste anuncio no Diario Oficial de Galicia e nos xornais La Voz de Galicia e Faro de Vigo.

Durante o dito prazo poderá ser examinado por calquera interesado nas dependencias municipais para que se formulen as alegacións que se consideren pertinentes. Así mesmo, estará á disposición dos interesados na sede electrónica deste concello.

Punxín, 5 de xuño de 2019

Manuel Vázquez Fernández
Alcalde