O Xurado Provincial de Clasificación de Montes Veciñais en Man Común de Ourense, en sesión do 13 de marzo de 2019, acordou iniciar os trámites para a clasificación como veciñal en man común do monte coas características que a seguir se relacionan:
Nome do monte: ampliación de Costa da Gándara.
Superficie: 4,68 ha.
Pertenza: veciños/as de Casardeita.
Parroquia: Macendo (Santa María).
Concello: Castrelo de Miño.
Descrición dos predios que constitúen o monte:
Os terreos obxecto da solicitude constitúen un único couto redondo, segundo a definición que figura no artigo 8 da Lei 7/2012, do 28 de xuño, de montes de Galicia, atravesado por un camiño, constituído polas parcelas catastrais seguintes:
Denominación do predio: Costa do Ribeiro.
Parcelas catastrais que comprende e superficies:
Concello |
Polígono |
Parcela |
Castrelo de Miño |
55 |
358 (unha parte) |
54 |
95 (unha parte) |
Parcelas catastrais estremeiras:
Linde |
Polígono |
Parcelas |
Norte |
54 |
95 (resto da parcela) |
55 |
358 (resto da parcela) |
|
Leste |
55 |
5000-151-150-146-145-360-9012 |
Sur |
55 |
359 |
54 |
1000 |
|
Oeste |
54 |
2000 |
O limite do monte polo norte vén establecido pola liña imaxinaria que une os puntos denominados marco intermedio e Pozo do Ribeiro, tal como recolle a descrición da estrema sur do monte Ribeiro que figura no acordo de clasificación do MVMC Fontela e Ribeiro, pertencente aos veciños das Bouzas, adoptado polo Xurado Provincial o 20 de novembro de 2012.
a) Perímetro interior (encravados):
Está atravesado de norte a sur por un camiño correspondente á parcela catastral nº 9000, do polígono 54.
O que se pon en coñecemento de todos os interesados indicándolles que se abre un período dun mes para que poidan examinar o expediente e efectuar as alegacións que coiden convenientes, así como aportar os documentos ou informacións que xulguen oportunas, de conformidade co disposto no artigo 23 do Decreto 260/1992, do 4 de setembro, polo que se aproba o Regulamento para a execución da Lei 13/1989, do 10 de outubro, de montes veciñais en man común.
Ourense, 6 de xuño de 2019
Yago Borrajo Sánchez
Presidente do Xurado Provincial de Clasificación de
Montes Veciñais en Man Común de Ourense