Eu, Rosana Corral García, letrada da Administración de xustiza do Xulgado do Social número 4 da Coruña, dou fe e certifico que neste xulgado se seguen autos número 1114/2016 por instancia de José Miguel Vázquez Martínez contra a empresa Seguridade Integral Canarial, S.A. e o Fondo de Garantía Salarial, sobre cantidade, nos cales se ditou sentenza o 21.5.2019 que, copiada nos particulares necesarios, di así:
«Resolución
Estímase a demanda formulada por José Miguel Vázquez Martínez fronte á empresa Seguridade Integral Canarial, S.A., o seu administrador concursal, con intervención do Fondo de Garantía Salarial e, en consecuencia, condénase a empresa Seguridade Integral Canarial, S.A. a aboar a José Miguel Vázquez Martínez a cantidade de seiscentos noventa e tres euros con vinte e cinco céntimos de euro (693,25 euros), devindicando os conceptos salariais o xuro moratorio do 10 %, vinculando tales cantidades ao administrador concursal de Seguridade Integral Canarial, S.A.
Notifíquese a presente resolución ás partes, facéndolles saber que contra esta non cabe recurso de suplicación por razón da contía, sen prexuízo dos demais motivos previstos no artigo 191 da LRXS.
A competencia para coñecer o recurso de suplicación corresponderá, se é o caso, ao Tribunal Superior de Xustiza de Galicia, debendo anunciarse neste xulgado no prazo dos cinco días seguintes á notificación desta resolución, abondando a manifestación da parte ou do seu avogado, graduado social ou representante dentro do indicado prazo.
Se o recorrente non goza do beneficio de xustiza gratuíta deberá, ao tempo de anunciar o recurso ter consignado a cantidade obxecto de condena, así como o depósito de 300 euros na conta de depósitos e consignacións que ten aberta este xulgado facendo constar no ingreso o número de procedemento.
Así o acorda, manda e asina, Nicolás E. Pita Lloveres, maxistrado do Xulgado do Social número 4 da Coruña».
E para que conste, para os efectos da súa publicación no Diario Oficial de Galicia co fin de que sirva de notificación en forma á empresa Seguridade Integral Canarial, S.A. expido e asino este edicto.
A Coruña, 24 de maio de 2019
A letrada da Administración de xustiza
