Sendo preciso o cumprimento da obriga de xestión de biomasa vexetal e da retirada de árbores de especies arbóreas imposta pola Lei 3/2007, do 3 de abril, de prevención e defensa contra os incendios forestais en Galicia, e consonte o establecido nos artigos 22.3 da Lei 3/2007 e nos artigos 44 e 46.1 da Lei 39/2015, do 1 de outubro, do procedemento administrativo común das administracións públicas, cando os interesados nun procedemento son descoñecidos, as notificacións practicaranse por medio dun anuncio publicado no Diario Oficial de Galicia e no Boletín Oficial del Estado cos datos catastrais do terreo, quedando a eficacia do acto notificado supeditada á publicación no Boletín Oficial del Estado.

As persoas interesadas poden consultar o contido íntegro do acto que se notifica e o correspondente expediente no prazo de quince (15) días naturais, contados a partir do seguinte ao da publicación deste anuncio no Boletín Oficial del Estado, e a comparecencia realizarase nas dependencias municipais, situadas na rúa Real, 13, 15600 Pontedeume (A Coruña), en horario de atención ao público.

Pontedeume, 20 de maio de 2019

Bernardo Fernández Piñeiro
Alcalde