Eu, Marta Yanguas del Valle, letrada da Administración de xustiza do Xulgado do Social número 3 de reforzo da Coruña, fago saber que no procedemento de despedimento obxectivo individual 1217/2017 deste xulgado do social, seguido por instancia de Manuel Lafuente Rodríguez contra Cotemac, S.L., Fogasa, sobre despedimento, foi ditada sentenza cuxo encabezamento e parte dispositiva é do seguinte teor literal:

«Xuíz: Javier López Cotelo

Procedemento: despedimento nº 1217/2017

Demandante: Manuel Lafuente Rodríguez

Letrado: Sr. Quintáns López

Demandada: Cotemac, S.L.

Letrado:

Fogasa

Letrado:

Sentenza nº 205/19

A Coruña, 24 de abril de 2019

Decido:

1º. Estimar a demanda sobre despedimento formulada por Manuel Lafuente Rodríguez contra a empresa Cotemac, S.L. e, en consecuencia, declaro a improcedencia do despedimento e a extinción da relación laboral á data desta sentenza. Todo iso con condena da empresa ao aboamento da indemnización detallada no punto segundo desta resolución.

2º. A indemnización que aboará a empresa demandada, segundo o disposto no número anterior, ascende á cantidade de 51.889,22 euros.

3º. Condeno a empresa demandada a que aboe ao traballador os salarios de tramitación desde a data do despedimento ata a data da extinción da relación laboral no día de hoxe a razón de 49,42 €/día, o que dá a cantidade de 26.884,48 euros.

O Fogasa deberá pasar polo resolto na presente resolución, sen prexuízo dos límites da súa responsabilidade cando cumpra.

Inscríbase a presente resolución no libro de sentenzas deixando testemuño dela no presente procedemento.

Notifíquese esta sentenza ás partes advertíndolles que contra ela se poderá interpor recurso de suplicación ante o Tribunal Superior de Xustiza de Galicia, o cal se deberá anunciar neste xulgado no prazo dos cinco días seguintes á notificación desta resolución por comparecencia ou mediante escrito, pasados os cales se declarará firme e se procederá ao seu arquivamento.

Así o pronuncio, mando e asino».

E para que sirva de notificación en legal forma a Cotemac, S.L., en ignorado paradoiro, expido este edicto para a súa inserción no Diario Oficial de Galicia.

Advírtese a destinataria que as seguintes comunicacións se farán fixando copia da resolución ou da cédula no taboleiro de anuncios da oficina xudicial, salvo o suposto da comunicación das resolucións que sexan auto ou sentenza, ou cando se trate de emprazamento.

A Coruña, 30 de abril de 2019

A letrada da Administración de xustiza