A Fundación Santiago Rey Fernández-Latorre convoca o LXI Premio Fernández Latorre e invita particulares e institucións a participaren nel.
Este premio réxese polas seguintes bases:
1. Premio.
Concederase o Premio Fernández Latorre, dotado nesta edición con 10.000 euros, a un traballo xornalístico publicado en calquera medio de comunicación entre o 7 de maio de 2018 e o 6 de maio de 2019, ou a una traxectoria profesional no ámbito literario, artístico ou científico.
2. Ditame e entrega.
O ditame farase público no xornal La Voz de Galicia o vindeiro 25 de xullo, festividade do Apóstolo Santiago e Día de Galicia.
O premio entregarase no transcurso dun acto que terá lugar no último trimestre de 2019.
3. Xurado.
O xurado terá, ademais das facultades normais para elixir a traxectoria ou traballos premiados, as de interpretar as presentes bases.
4. Presentación de traballos.
Os expedientes ou traballos deberanse enviar por correo electrónico
(fundacionsantiagoreyfernandez-latorre@lavoz.es) ou ordinario á Fundación Santiago Rey Fernández-Latorre, avenida da Prensa, 84-85; polígono industrial de Sabón, 15143 Arteixo (A Coruña), ata o 31 de maio, coa indicación «Premio Fernández Latorre».
Os expedientes ou traballos poderán ser presentados polos interesados, polos membros do xurado ou por calquera persoa ou entidade. Neste último caso, débese acreditar o consentimento do/da candidato/a ou candidatos/as.
5. Condicións.
A presentación a este premio supón a conformidade dos participantes con estas bases e implica, de ser o caso, a autorización para a difusión pública do traballo premiado, sen finalidade lucrativa e por un período de tempo non superior a seis meses.
A decisión do xurado é inapelable.
A Coruña, 26 de abril do 2019
Santiago Rey Fernández-Latorre
Presidente da Fundación Santiago Rey Fernández-Latorre