Para os efectos previstos no artigo 36 da Lei 21/2013, do 9 de decembro, de avaliación ambiental (BOE núm. 296, de 11 de decembro) faise público que, por espazo de 30 días hábiles, contados a partir do seguinte ao da publicación deste anuncio no Diario Oficial de Galicia, quedarán expostos os documentos titulados:
– Estudo de impacto ambiental da autorización de xestor de valorización de residuos mediante planta fixa en Carral (A Coruña).
– Estudo de impacto e integración paisaxística de xestor de valorización de residuos mediante planta fixa en Carral (A Coruña).
Para que calquera interesado poida consultalos e, de ser o caso, formular dentro do dito prazo as alegacións, suxestións ou observacións que coide convenientes, os documentos poderán consultarse en horario de atención ao público:
– Na Dirección Xeral de Calidade Ambiental e Cambio Climático, Servizo de Residuos (rúa de San Lázaro, s/n, 15781 Santiago de Compostela).
– Na Xefatura Territorial da Consellería de Medio Ambiente, Territorio e Vivenda da Coruña (rúa Vicente Ferrer, 2, 15071 A Coruña).
– No Concello de Carral (rúa Paleo, 17, 15175 Carral, A Coruña).
As alegacións, suxestións ou observacións dirixiranse ao Servizo de Residuos.
Santiago de Compostela, 22 de abril de 2019
María Cruz Ferreira Costa
Directora xeral de Calidade Ambiental e Cambio Climático
ANEXO
Memoria resumo
Titular: Transportes Vasa Norte, S.A.
CIF: A15158942.
Domicilio social: rúa Gambrinus, 99, Polígono da Grela, 15008 A Coruña.
Localización da instalación: lugar Monte Xalo, rúa Gacela, s/n, 15185, Carral (A Coruña).
Actividade: valorización de residuos non perigosos.
O proceso consistirá na valorización de residuos da construción e demolición e componse das seguintes etapas:
• Recepción: depósito dos residuos en praia de descarga, verificación do estado e comprobación da presencia de impropios, incluso separación manual ou mecánica, se procede.
• Trituración: redución do tamaño do RCD mediante emprego de culler trituradora. Separación de fracción férrea mediante electroimán. Revisión do residuo para someter de novo ao proceso de trituración a aquela fracción de calibre superior ao requirido.
• Cribaxe e clasificación: o residuo, una vez triturado ata o calibre axeitado, será sometido a un proceso de clasificación mediante unha criba vibrante móbil, que, a través da instalación de distintas mallas, permitirá obter distinta granulometría.
• Almacenamento da fracción final: almacenamento, mediante pá cargadora, que retirará o material reciclado baixo a cinta e o trasladará a unha zona habilitada para realizar almacenamientos temporais, agardando a súa expedición ao punto de reutilización.
