Eu, M. Socorro Bazarra Varela, letrada da Administración de xustiza da Sala do Social do Tribunal Superior de Xustiza de Galicia, fago saber que no procedemento de recurso de suplicación 1267/2016 desta sala, seguido por instancia de David Oliveros Fernández contra o Fogasa, Telepizza, S.A.U.; Pulgar Pizza, S.L. e a Administración Concursal de Pulgar Pizza, S.L. (José Manuel Cortegoso Iglesias), sobre reclamación de cantidade, a Sala do Social do Tribunal Supremo ditou o Auto do 21 de febreiro de 2019 cuxa parte dispositiva di:

«A Sala acorda:

Declarar a inadmisión do recurso de casación para a unificación de doutrina interposto pola letrada Mariña Vázquez Rodríguez, en nome e representación de David Oliveros Fernández contra a sentenza ditada pola Sala do Social do Tribunal Superior de Xustiza de Galicia do 14 de outubro de 2016, no recurso de suplicación número 1267/2016, interposto por David Oliveros Fernández, fronte á sentenza ditada polo Xulgado do Social número 3 dos de Vigo, do 14 de decembro de 2015, no procedemento número 1048/2014, seguido por instancia de David Oliveros Fernández contra Pulgar Pizza, S.L., a súa administración concursal na persoa de José Manuel Cortegoso Iglesias, Telepizza, S.A.U. e con intervención do Fondo de Garantía Salarial, sobre cantidade.

Declárase a firmeza da sentenza contra a que se recorre, sen imposición de custas á parte recorrente.

Contra este auto non cabe recurso ningún.

Devólvanse os autos de instancia e a peza de suplicación á Sala do Social do Tribunal Superior de Xustiza de procedencia, con certificación desta resolución e comunicación.

Así o acordamos, mandamos e asinamos».

E para que lle sirva de notificación en legal forma a Pulgar Pizza, S.L., en paradoiro ignorado, expido este edicto para a súa inserción no Diario Oficial de Galicia.

A Coruña, 1 de abril de 2019

A letrada da Administración de xustiza