De conformidade co disposto nos artigos 44 e 46 da Lei 39/2015, do 1 de outubro, do procedemento administrativo común das administracións públicas, notifícanse ás persoas as resolucións que ditou esta xefatura territorial nos expedientes administrativos instruídos de conformidade co disposto no artigo 172 e seguintes do Código Civil.
Os expedientes figuran no Servizo de Familia, Infancia e Dinamización Demográfica, da Xefatura Territorial da Coruña, na avenida Salvador de Madariaga, 9-1º, onde as persoas interesadas,ou os seus representantes, debidamente acreditadas poderán comparecer para ter coñecemento íntegro do acto e do resto do expediente, de luns a venres, das 9.00 ás 14.00 horas, no prazo de dez (10) días contados a partir do día seguinte ao da publicación desta cédula no Boletín Oficial del Estado.
As persoas interesadas, ou os seus representantes, debidamente acreditadas poderán interpoñer recurso no Xulgado de Primeira Instancia da Coruña, que por quenda corresponda, no prazo de dous meses desde o día seguinte da publicación desta cédula no Boletín Oficial del Estado, sen necesidade de reclamación administrativa previa, de conformidade co disposto no artigo 780 da Lei 1/2000, do 7 de xaneiro, de axuizamento civil.
A Coruña, 26 de marzo de 2019
O/a xefe/a territorial da Coruña
P.A. (Artigo 31.2.1.e) do Decreto 176/2015, do 3 de decembro)
Francisco Javier Abad Pardo
Xefe do Servizo de Coordinación Administrativa da Coruña