O Pleno do Concello de Rois, na sesión ordinaria que tivo lugar o 15 de marzo de 2019, aprobou por unanimidade dos presentes o texto inicial do convenio urbanístico entre o Concello de Rois e Aluminios Cortizo, S.A., co fin de monetizar o aproveitamento urbanístico que lle corresponde ao Concello no proxecto sectorial de incidencia supramunicipal instado pola empresa.
En aplicación do establecido no artigo 168.1 da Lei 2/2016, do 10 de febreiro, do solo de Galicia, sométese o citado convenio a información pública mediante anuncios que se publicarán no Diario Oficial de Galicia e nun dos xornais de maior difusión da provincia.
O que se fai público para que durante o período dun mes, contado a partir do día seguinte ao da última publicación, as persoas interesadas poidan consultar o texto íntegro do convenio nas oficinas municipais, de luns a venres, das 9.00 ás 14.00 horas, e na páxina web www.concelloderois.org, e poidan formular as alegacións que consideren oportunas.
Rois, 27 de marzo de 2019
Ramón Tojo Lens
Alcalde