No Xulgado do Contencioso-Administrativo número 1 de Lugo tramítase o recurso 57/2019-F (procedemento abreviado), do sindicato de enfermaría SATSE, interposto contra a desestimación presunta do recurso de alzada que se presentou contra a Resolución da Xerencia de Xestión Integrada de Lugo, Cervo e Monforte de Lemos, do 7 de marzo de 2018, publicada mediante anuncio no Diario Oficial de Galicia núm. 61, do 27 de marzo, pola que se convoca concurso de mobilidade interna do persoal fixo das categorías de persoal sanitario diplomado, sanitario de formación profesional e de xestión e servizos, entre unidades/servizos do Complexo Hospitalario Xeral-Calde-Hospital Universitario Lucus Augusti.
O que se notifica para xeral coñecemento de todas as persoas interesadas no procedemento, que son emprazadas para que poidan comparecer como parte no citado xulgado no prazo de nove días, de conformidade co previsto no artigo 49 da Lei 29/1998, do 13 de xullo, reguladora da xurisdición contencioso-administrativa.
Santiago de Compostela, 27 de marzo de 2019
Margarita Prado Vaamonde
Directora xeral de Recursos Humanos