Unha vez rematado o proceso selectivo para a cobertura, en quenda de promoción interna, de catro vacantes de administrativo/a incluídas na OEP de 2017 do Concello de Fene mediante Resolución da Alcaldía núm. 264, do 13 de marzo de 2019, resolveuse o seguinte:

Primeiro. Nomear persoal funcionario de carreira da escala de administración xeral, subescala administrativa, grupo C, subgrupo C1, as persoas aprobadas que se relacionan a seguir, ordenadas de acordo coa puntuación final obtida, e adxudicarlles como destinos definitivos os postos que figuran na seguinte táboa:

Nº	DNI	Apelidos e nome	Código do posto
1	***7322**	Aneiros Landrove, José Manuel	03.02.00.02
2	***7058**	García Monteagudo, Paula	01.03.00.05
3	***6230**	Horjales Vilariño, Fernando	01.03.00.06
4	***7512**	Pérez López, Ana	03.02.00.05

Segundo. Condicionar a adquisición das devanditas prazas de funcionarios/as de carreira a que as persoas anteriormente relacionadas formalicen, de conformidade co artigo 60 da Lei 2/2015, do 29 de abril, a súa toma de posesión no prazo dun mes, que comenzará a computar a partir do dia seguinte ao da publicación desta orde no Diario Oficial de Galicia.

Terceiro. Publicar a presente resolución no DOG, no BOP, no taboleiro de edictos e na web.

Cuarto. Contra a presente resolución, que pon fin á vía administrativa, poderá interpoñer potestativamente o recurso de reposición ante o mesmo órgano que o ditou no prazo dun mes, contado a partir do día seguinte ao da notificación, segundo establecen os artigos 123 e 124 da Lei 39/2015, do 1 de outubro, do procedemento administrativo común das administracións públicas (BOE núm. 236, do 2 de outubro); significándolle que se interpón o recurso de reposición, non poderá interpoñer o recurso contencioso-administrativo ata que sexa resolto expresamente ou se teña producido o rexeitamento por silencio administrativo do recurso de reposición interposto.

Transcorrido un mes desde a interposición do recurso potestativo de reposición sen que se lle teña notificado resolución expresa, entenderase rexeitado por silencio administrativo e quedará expedita a vía contencioso-administrativa. Poden interpoñer o recurso contencioso-administrativo ante o Xulgado do Contencioso-Administrativo de Ferrol, no prazo de dous meses contados dende o día seguinte ao da notificación da resolución expresa do recurso de reposición, ou no prazo de seis meses, contados desde o día seguinte a aquel en que se teña producido o rexeitamento por silencio administrativo do recurso de reposición interposto.

Non obstante, poderá impugnar directamente o acto que se lle notifica ante a orde xurisdicional contencioso-administrativa segundo establece o artigo 123.1 da citada Lei 39/2015. Para tal efecto, poderán interpoñer recurso contencioso-administrativo no prazo de dous meses contados a partir do día seguinte ao da notificación, ante o Xulgado do Contencioso-Administrativo de Ferrol, sen prexuízo de que poida exercer calquera outro recurso que considere pertinente.

Fene, 13 de marzo de 2019

Gumersindo Pedro Galego Feal
Alcalde