Eu, Marina Pilar García de Evan, letrada da Administración de xustiza do Xulgado do Social número 2 de Santiago de Compostela, fago saber que no procedemento de execución de títulos xudiciais 15/2017 deste xulgado do social, seguido por instancia de José Antonio Lueiro Míguez contra a empresa Cubiertas Méndez, S.L.U., sobre ordinario, se ditou a seguinte resolución cuxa parte dispositiva se xunta:

«Parte dispositiva

Acordo:

– Aprobar a taxación de custas por importe de 200,00 euros a que resulta condenada a executada Cubiertas Méndez, S.L.U.

– Aboarlle á parte executante o importe de 200,00 euros en concepto de custas mediante transferencia bancaria á conta achegada e deixar en autos xustificante da dita operación.

– Ter por rematado este procedemento de execución seguido por instancia de José Antonio Lueiro Míguez contra Cubiertas Méndez, S.L.U.

– Unha vez aboadas todas as cantidades debidas ao executante, consta consignado na conta deste órgano xudicial un sobrante por importe de 1.091,67 euros e, notificada a parte executada mediante edictos, efectúese consulta patrimonial de contas bancarias da executada co fin de transferir o importe sobrante e déixese en autos xustificante da dita operación.

– Arquívese este procedemento e déase de baixa nos libros correspondentes.

Notifíqueselles ás partes e fágaselles saber que, en aplicación do mandato contido no artigo 53.2 da Lei reguladora da xurisdición social (LXS), no primeiro escrito ou comparecencia ante o órgano xudicial, as partes ou interesados e, de ser o caso, os profesionais designados sinalarán un domicilio e datos completos para a práctica de actos de comunicación. O domicilio e os datos de localización facilitados con tal fin producirán plenos efectos e as notificacións intentadas neles sen efecto serán válidas mentres non sexan facilitados outros datos alternativos, e será carga procesual das partes e dos seus representantes mantelos actualizados. Así mesmo, deberán comunicar os cambios relativos ao seu número de teléfono, fax, enderezo electrónico ou similar, sempre que estes últimos estean a ser utilizados como instrumentos de comunicación co tribunal.

Modo de impugnación. Contra esta resolución cabe recurso directo de revisión que se deberá interpor ante quen dita a resolución no prazo de tres días hábiles seguintes ao da notificación, con expresión da infracción cometida nela ao xuízo do recorrente (artigo 188 da Lei reguladora da xurisdición social (LXS). O recorrente que non teña a condición de traballador ou beneficiario do réxime público da Seguridade Social deberá facer un depósito para interpor recurso de 25 euros, na conta 1596, clave 64N, no Banesto, e indicar no campo “Concepto” “Recurso” seguido do código “31 Social-revisión de resolucións letrado da Administración de xustiza”. Se o ingreso se fai mediante transferencia bancaria, deberá incluír tras a conta referida, separados por un espazo, a indicación “Recurso” seguida de “31 Social-revisión de resolucións letrado da Administración de xustiza”. Se efectúa diversos pagamentos na mesma conta, deberá especificar un ingreso por cada concepto, mesmo se obedecen a outros recursos da mesma ou distinta clase, e indicar no campo «Observacións» a data da resolución impugnada utilizando o formato dd/mm/aaaa. Quedan exentos do seu aboamento, en todo caso, o Ministerio Fiscal, o Estado, as comunidades autónomas, as entidades locais e os organismos autónomos dependentes deles.

A letrada da Administración de xustiza».

Para que sirva de notificación en legal forma a Cubiertas Méndez, S.L.U., en ignorado paradoiro, expido este edicto para a súa inserción no Diario Oficial de Galicia.

Advírteselle á destinataria que as seguintes comunicacións se farán fixando copia da resolución ou da cédula no taboleiro de anuncios da oficina xudicial, salvo no suposto da comunicación das resolucións que deban revestir forma de auto ou sentenza, ou cando se trate de emprazamento.

Santiago de Compostela, 14 de marzo de 2019

A letrada da Administración de xustiza