O artigo 15 da Lei 1/2016, do 18 de xaneiro, de transparencia e bo goberno, impón a cada consellería ou entidade da Xunta de Galicia a obriga de publicar no Diario Oficial de Galicia unha relación dos convenios subscritos no cuadrimestre anterior.
En consecuencia, e para lle dar cumprimento a esa obriga,
DISPOÑO:
Artigo único
Dar publicidade á relación dos acordos de colaboración subscritos polo Fondo Galego de Garantía Agraria no terceiro cuadrimestre do ano 2018 e que se relacionan no anexo desta resolución.
Santiago de Compostela, 18 de marzo de 2019
Silvestre José Balseiros Guinarte
Director do Fondo Galego de Garantía Agraria
ANEXO
Acordo |
Obxecto |
Importe económico |
Data |
Duración |
Acordo de colaboración entre o organismo autónomo Fondo Galego de Garantía Agraria e a Axencia para a Modernización Tecnolóxica de Galicia para o financiamento e sustentabilidade do desenvolvemento de traballos de apoio en sistemas de información |
Establecer as pautas que se seguirán na colaboración entre Fogga e Amtega no soporte dos sistemas de información de xestión, control e pagamento das axudas directas da Política Agraria Común (PAC) e medidas de desenvolvemento rural establecidas no ámbito do sistema integrado (sistema SGAPAC) |
150.000 € |
4.12.2018 |
Anualidades 2019, 2020 e 2021 |