De conformidade co artigo 8 da Lei 19/2013, do 9 de decembro, de transparencia, acceso á información pública e bo goberno, dáse publicidade á seguinte encomenda coas seguintes características:
– Resolución de 8 de marzo de 2019, da Consellería do Mar, pola que se lle encarga ao medio propio Fundación Centro Tecnológico del Mar (Cetmar) a prestación do servizo de reforzo do Centro Nacional de Información e Investigación Mariña de Namibia (NatMIRC) na súa función de contribuír ao proceso de toma de decisións na xestión de pesqueiras.
– Actividade: realización das actuacións relativas á execución por parte do Centro Tecnológico del Mar-Fundación Cetmar de accións destinadas a mellorar a capacidade do Centro Nacional de Información e Investigación Mariña para levar a cabo investigación en temas mariños e avaliar o estado dos recursos pesqueiros en Namibia.
– Natureza e alcance da xestión encomendada: encomenda de xestión a medios propios ao ter a Fundación Centro Tecnológico del Mar (Cetmar) a consideración de medio propio instrumental e de servizo técnico da Administración xeral da Comunidade Autónoma de Galicia, en cumprimento do establecido nos artigos 10 e 47 e seguintes da Lei 16/2010, do 17 de decembro, de organización e funcionamento da Administración xeral e do sector público autonómico de Galicia.
– Prazo de vixencia: desde o 8 de marzo de 2019 ata o 30 de decembro de 2020.
– Financiamento: con cargo aos orzamentos da Comunidade Autónoma de Galicia na aplicación orzamentaria 15.02.723A.640.1; código do proxecto 2016 00287.
Santiago de Compostela, 21 de marzo de 2019
Mª Isabel Concheiro Rodríguez-Segade
Secretaria xeral técnica da Consellería do Mar