DOG 59 do 26/03/2019 - ORDE do 14 de febreiro de 2019 pola que se autoriza a transmisión mortis causa, mediante pacto de mellora, das concesións administrativas e das bateas Astillero V, C.P.P. III, Jocuse I e Jocuse III.

VI. Anuncios

a) Administración autonómica

Consellería do Mar

ORDE do 14 de febreiro de 2019 pola que se autoriza a transmisión mortis causa, mediante pacto de mellora, das concesións administrativas e das bateas Astillero V, C.P.P. III, Jocuse I e Jocuse III.

Vistos os expedientes instruídos para os efectos de transmisión das bateas Astillero V, C.P.P. III, Jocuse I e Jocuse III e das concesións administrativas que as amparan, resulta:

a) Antecedentes de feito:

Primeiro. Mediante escrito do 5 de febreiro de 2019, José Palmas Ferradás e Carmen Rúa Piñeiro solicitaron autorización para a transmisión mortis causa, mediante pacto de mellora, das concesións administrativas e das bateas Astillero V, C.P.P. III, Jocuse I e Jocuse III.

Segundo. As persoas interesadas achegaron a documentación requirida para a tramitación.

Terceiro. Os informes do Servizo de Protección dos Recursos sobre as características das bateas son favorables.

b) Consideracións legais e técnicas:

Primeira. Este órgano é competente para resolver o expediente, de conformidade coa Lei 11/2008, do 3 de decembro, de pesca de Galicia (DOG núm. 243, do 16 de decembro), modificada pola Lei 6/2009, do 11 de decembro (DOG núm. 243, do 15 de decembro); e coa Orde do 8 de setembro de 2017, de delegación de competencias na Secretaría Xeral Técnica da Consellería do Mar, nas direccións xerais e xefaturas territoriais e na Presidencia do Consello de Administración do ente público Portos de Galicia.

Segunda. A Lei 2/2006, do 14 de xuño, de dereito civil de Galicia, nos seus artigos 209 e seguintes regula os pactos sucesorios como negocios mortis causa, e con forma de pactos de apartación ou de mellora.

Terceira. Os expedientes seguiron todos os trámites establecidos no procedemento administrativo común, coas especialidades previstas no Decreto 406/1996, do 7 de novembro, pola que se aproba o Regulamento dos viveiros de cultivos mariños nas augas de Galicia, e na Orde do 15 de xuño de 1999, pola que se regula o procedemento para a transmisión da titularidade das concesións dos viveiros de cultivos mariños nas augas de Galicia.

Vistas as disposicións citadas, o artigo 88 da Lei 39/2015, do 1 de outubro, do procedemento administrativo común das administracións públicas, e demais normas de xeral e pertinente aplicación, esta consellería resolve:

Autorizar a transmisión mortis causa mediante pacto de mellora, a favor de Adrián Boubeta Palmas (****6318), das concesións administrativas e das bateas que se indican a seguir:

Identificación:

Tipo: batea.

Nome: Astillero V.

Situación:

Cuadrícula nº: 37.

Polígono: H.

Distrito: Cangas (Pontevedra).

Especie autorizada: mexillón (Mytilus galloprovincialis).

Título habilitante: concesión.

Orde de outorgamento: 31.3.1976.

Remate da vixencia: 15.12.2019.

Actuais titulares: Fernando Boubeta Martínez (****9033), José Palmas Ferradás (****5483), Carmen Rúa Piñeiro (****6858) e Rosa Aurora Palmas Rúa (****3225), que forman a comunidade de bens Marbopal, C.B. (E36190502).

Novos titulares: Fernando Boubeta Martínez (****9033), José Palmas Ferradás (****5483), Carmen Rúa Piñeiro (****6858), Rosa Aurora Palmas Rúa (****3225) e Adrián Boubeta Palmas (****6318), que forman a comunidade de bens Marbopal, C.B. (E36190502).

Nome: C.P.P. III.

Situación:

Cuadrícula nº: 39.

Polígono: A

Distrito: Vigo (Pontevedra).

Especie autorizada: mexillón (Mytilus galloprovincialis).

Título habilitante: concesión.

Orde de outorgamento: 18.3.1964.

Remate da vixencia: 15.12.2019.

Nome: Jocuse I.

Situación:

Cuadrícula nº: 6.

Polígono: E.

Distrito: Cangas (Pontevedra).

Especie autorizada: mexillón (Mytilus galloprovincialis).

Título habilitante: concesión.

Orde de outorgamento: 11.3.1960.

Remate da vixencia: 15.12.2019.

Nome: Jocuse III.

Situación:

Cuadrícula nº: 25.

Polígono: D.

Distrito: Cangas (Pontevedra).

Especie autorizada: mexillón (Mytilus galloprovincialis).

Título habilitante: concesión.

Orde de outorgamento: 11.3.1960.

Remate da vixencia: 15.12.2019.

Os novos titulares das concesións subróganse nos dereitos e obrigas dos anteriores, desde o momento de formalización da compravenda en escritura pública.

Contra esta resolución, que esgota a vía administrativa, poderase interpoñer recurso potestativo de reposición no prazo dun mes ante a conselleira do Mar, ou recurso contencioso-administrativo, ante a xurisdición contencioso-administrativa, no prazo de dous meses, contados en ambos os dous casos desde o día seguinte ao da súa publicación, de conformidade co disposto no artigo 123 da Lei 39/2015, do 1 de outubro, do procedemento administrativo común das administracións públicas, e o artigo 46.1 da Lei 29/1998, do 13 de xullo, reguladora da xurisdición contencioso-administrativa.

Vigo, 14 de febreiro de 2019

A conselleira do Mar
P.D. (Orde 8.9.2017)
Sonia Lorenzo Santos
Xefa territorial de Vigo