No presente órgano xudicial interpuxo recurso contencioso-administrativo número 4043/2019 o procurador José Martín Guimaraens Martínez, en nome e representación de Víctor Manuel Saenz López, fronte á Consellería de Medio Ambiente e Ordenación do Territorio, contra a Orde da Consellería de Medio Ambiente e Ordenación do Territorio pola que se outorga a aprobación definitiva parcial ao Plan xeral de ordenación municipal de Foz.

Polo que, en cumprimento da dilixencia de ordenación de 19.2.2019 e do establecido no artigo 47.2 da LXCA, concédese un prazo de quince días para a comparecencia de quen teña interese lexítimo en soster a conformidade co dereito da disposición, acto ou conduta impugnados.

A Coruña, 19 de febreiro de 2019

José Miguel Formoso Sobrado
Letrado da Administración de xustiza