O Pleno Municipal de Bergondo, na súa sesión ordinaria do 31 de xaneiro de 2019, acordou aprobar inicialmente a modificación puntual sexta das normas subsidiarias de Bergondo «Precisión de condicións de ordenación», redactada pola arquitecta María Ríos Carballeira, coas puntualizacións efectuadas polos servizos técnicos e xurídicos adscritos ao Departamento de Urbanismo e Medio Ambiente do Concello de Bergondo. O que se fai público para xeral coñecemento.
Tanto o instrumento de planeamento coma o expediente se someten a información pública durante o prazo de dous meses, mediante anuncio no Diario Oficial de Galicia e nun dos xornais de maior difusión da provincia, de conformidade do previsto no artigo 60.6 da Lei 2/2016, do solo de Galicia.
Durante o citado prazo, contado a partir do día seguinte ao da publicación deste anuncio no Diario Oficial de Galicia, poderanse formular as alegacións que se consideren pertinentes.
O expediente poderá ser consultado, mediante ligazón na páxina web do Concello (http://bergondo.gal/) ou mediante a consulta nas oficinas do Departamento de Urbanismo e Medio Ambiente Municipal, de luns a venres, das 9.00 ás 14.00 horas.
No citado acordo plenario acordouse a suspensión da tramitación dos estudos de detalle que se prevexan en parcelas superiores ou iguais a 3.000 m2 regulados na ordenanza relativa a zona residencial extensiva vivenda unifamiliar, edificación conxunta tipo 2, nos núcleos en que é de aplicación esta ordenanza: Guísamo, Bergondo, Costa de Ouces, Gandarío e Moruxo, durante o prazo máximo de dous anos contados a partir da data de aprobación inicial desta modificación, de conformidade co artigo 47.2 da Lei 2/2016, do solo de Galicia.
Bergondo, 6 de febreiro de 2019
Alejandra Pérez Máquez
Alcaldesa