Eu, María Teresa Vázquez Abades, letrada da Administración de xustiza do Xulgado do Social número 1 de Santiago de Compostela fago saber que en autos DOI 742/2018, seguidos por instancia de Antía Reino de la Campa contra Martín Villamil Enríquez, Gimnasio Ímpetu, S.L., Central Gym Santiago, Bruno Israel Macías Bahamonde, Fogasa, en reclamación de despedimento, mandouse por resolución de data 12 de febreiro de 2019, do maxistrado/a xuíz, citar a Bruno Israel Macías Bahamonde, para que compareza ante este xulgado sito en rúa Berlín, s/n, 15707, o próximo día 18.2.2019 ás 9.45 horas, sala 1, a fin de practicar a proba de interrogatorio das partes, apercibíndolle de que de non comparecer poderá ser tido por confeso na sentenza (artigo 91.2 da LXS).

A tal fin, faise saber que se se trata de persoa xurídica, o interrogatorio haberá de responderse polo seu representante en xuízo a condición de que interviñese nos feitos controvertidos. En caso contrario, tal circunstancia haberá de alegarse con suficiente antelación ao acto do xuízo, e identificar a persoa que interviu en nome da entidade, para a súa citación ao xuízo. Se tal persoa non formase parte xa da entidade poderá solicitar que se lle cite en calidade de testemuña. Apercibíndose de que, en caso de non cumprir o anteriormente sinalado ou non identificar a persoa interveniente nos feitos, iso poderá considerarse como resposta evasiva e terse por certos os feitos a que se refiran as preguntas.

E para que sirva de citación a Bruno Israel Macías Bahamonde, expídese este edicto para a súa publicación no Diario Oficial de Galicia e a súa colocación no taboleiro de anuncios.

Santiago de Compostela, 12 de febreiro de 2019

A letrada da Administración de xustiza