De conformidade co disposto nos artigos 44 e 46 da Lei 39/2015, do procedemento administrativo común das administracións públicas, notifícaselle a José Ramón Blanco Balseiro con DNI ****4083, mediante a publicación no Boletín Oficial del Estado, requirimento previo de desafiuzamento administrativo do departamento para armadores número 8 do porto de Morás, por non ser posible a notificación a través do servizo de Correos no último domicilio coñecido.
O expediente tramítase por atoparse extinguida a autorización, e non ser factible a súa renovación pola falla de concorrencia dos requisitos exixibles, incluídas as débedas existentes.
O presente acto administrativo que emite a Presidencia do Consello de Administración da entidade pública Portos de Galicia, de acordo coas competencias previstas no artigo 114 da Lei 5/2011 de patrimonio da Comunidade Autónoma de Galicia, emítese en aplicación do artigo 113 desa lei, do artigo 148 da Lei 6/2017, do 12 de decembro, de portos de Galicia, e do artigo 31 do Decreto 227/1995, que aproba o regulamento da entidade pública Portos de Galicia.
O local deberá de ser abandonado nun prazo máximo de 10 días contado desde a publicación desta cédula no Boletín Oficial del Estado, o que se formalizará coa entrega das chaves do peche exterior ao persoal de Portos de Galicia.
Así mesmo, este anuncio publicarase no Diario Oficial de Galicia ben que, a eficacia do acto notificado quedará supeditada a súa publicación no BOE.
Outórgase trámite de audiencia por un prazo máximo de 10 días hábiles contados desde a publicación desta cédula no Boletín Oficial del Estado, durante o que poderán formularse alegacións e presentarse os documentos ou xustificacións que se consideren pertinentes.
De ser preciso, o desafiuzamento será executado co auxilio das Forzas e Corpos da Seguridade do Estado.
Contra este acto administrativo de iniciación non se admitirán accións interditais ou para a tutela sumaria da posesión das previstas na Lei de axuizamento civil.
Santiago de Compostela, 29 de xaneiro de 2019
José Juan Durán Hermida
Presidente de Portos de Galicia