O Pleno da Corporación, na sesión ordinaria celebrada o día 28 de xaneiro de 2019, adoptou, entre outros, o seguinte acordo:
Primeiro. Aprobar definitivamente o Plan especial de infraestruturas e dotacións para o sistema xeral INF-07 previsto no plan xeral do Concello de Mos, coas modificacións resultantes dos informes emitidos.
Segundo. Publicar a aprobación definitiva no Diario Oficial de Galicia, para os efectos do establecido no artigo 82 da Lei 2/2016, do 10 de febreiro, do solo de Galicia. Esta publicación deberá realizarse no prazo dun mes desde a adopción da aprobación definitiva.
Igual, xunto á publicación deste acordo publicarase a indicación das medidas adoptadas para o seguimento dos efectos no ambiente da aplicación do plan e a referencia ao enderezo electrónico no cal figurará o contido íntegro do plan á disposición do público.
Terceiro. Comunicar o acordo de aprobación definitiva, en virtude do artigo 88 da Lei 2/2016, do 10 de febreiro, do solo de Galicia, á consellería competente en materia de urbanismo, para a súa inscrición no Rexistro de Plan Urbanístico de Galicia, achegando un exemplar en soporte dixital, debidamente dilixenciado.
Cuarto. Notificar individualmente a aprobación definitiva do plan especial a todas as persoas titulares catastrais dos terreos afectados ás que xa se lles notificou a aprobación inicial deste, de conformidade co artigo 186.4 da lexislación da Lei 2/2016, do 10 de febreiro, do solo de Galicia, aprobado polo Decreto 143/2016, do 22 de setembro. O contido íntegro do devandito plan queda á disposición do público na web do Concello de www.mos.es e na sede electrónica https://mos.sedelectronica.gal
Contra o acordo de aprobación definitiva da citada modificación, que pon fin á vía administrativa, por ser unha disposición de carácter xeral, cabe interpoñer recurso contencioso-administrativo ante a Sala do Contencioso-Administrativo do Tribunal Superior de Xustiza de Galicia, no prazo de dous (2) meses, contados desde o día seguinte ao da publicación deste anuncio, conforme o establecido na Lei 29/1998, do 13 de xullo. Todo iso sen prexuízo de interpoñer calquera outro recurso que se entenda máis procedente e sexa conforme dereito.
Mos, 6 de febreiro de 2019
Nidia Mª Arévalo Gómez
Alcaldesa