Eu, Sarai Paniagua Aceira, letrada da Administración de xustiza de Xulgado de Primeira Instancia número 5 de Vigo, fago saber no presente procedemento DCT 516/15, seguido por instancia de Judith Grissel Pinto Ramos fronte a Marcelo José Marzol Alberto ditouse sentenza, cuxo teor literal é o seguinte:
«Sentencia número 133
En Vigo o trece de abril de dous mil dezaoito.
María del Carmen Salvador Mateos, maxistrado xuíz titular do Xulgado de Primeira Instancia número 5 de Vigo e o seu partido, viu os autos seguidos neste xulgado baixo número 516/2015 sobre disolución do matrimonio por divorcio, actuando como demandante Judith Grissel Pinto Ramos, representada polo procurador dos tribunais Luis Pedro Lanero Táboas e con asistencia letrada de Angélica Ferreiro Fernández, contra Marcelo José Marzol Alberto,
(Seguen antecedentes de feito e fundamentos de dereito)
Resolución
Na demanda interposta pola representación procesual de Judith Grissel Pinto Ramos, representada polo procurador dos tribunais Sr. Lanero Táboas, contra Marcelo José Marzol Alberto, declarado en situación de rebeldía procesual, estimo parcialmente esta e declaro disolto, por divorcio, o matrimonio formado polos referidos cónxuxes, con todos os efectos legais inherentes á devandita declaración, realizando os seguintes pronunciamentos:
Primeiro. O fillo menor do matrimonio quedará baixo a garda e custodia da Sra. Pinto Ramos, quen exercerá en exclusiva a patria potestade sobre o menor.
Segundo. O Sr. Marzol Alberto poderá relacionarse co seu fillo Rodrigo cando ambos libremente e de mutuo acordo decídano.
Non ha lugar a facer especial pronunciamento sobre as custas.
Firme que sexa esta resolución, comuníquese ao rexistro civil onde consta a inscrición do matrimonio, co fin de que se proceda á súa anotación marxinal, deixándose constancia de tal circunstancia nos autos.
Así por esta miña sentenza, definitivamente xulgado en primeira instancia, pronúncioo, mándoo e asínoo».
E atopándose devandito demandado, Marcelo José Marzol Alberto, en paradoiro descoñecido, expídese o presente a fin de que sirva de notificación en forma a este.
Vigo, 14 de xaneiro de 2019
A letrada da Administración de xustiza
