A instalación denominada LMTS CTC RBT Soutelo II, no concello de Tomiño, foi declarada de utilidade pública mediante a Resolución do 3 de decembro de 201,8 da Xefatura Territorial de Pontevedra, o que leva implícita a urxente ocupación dos bens e dereitos afectados e ten a condición de beneficiaria a empresa Unión Fenosa Distribución, S.A.

Segundo o disposto no artigo 52 da Lei de expropiación forzosa e no artigo 54.1 da Lei 54/1997, do 27 de novembro, do sector eléctrico, comunícase que o día 27 de febreiro de 2019, a partir das 12.00 horas, terá lugar sobre o terreo o levantamento das actas previas á ocupación dos bens e dereitos contidos na relación de predios que se expón xunto con esta resolución e no taboleiro de edictos do Concello de Tomiño.

Os interesados recibirán unha notificación individual coa debida antelación legal, na cal se lles comunicarán a data e a hora en que deberán presentarse nos seus predios e serán informados de que poderán ir acompañados por un perito ou un notario, pola súa conta, se así o consideran conveniente.

Esta publicación servirá de comunicación para os titulares daqueles predios que figuran como descoñecidos ou dos cales se ignora o lugar de notificación, de acordo co establecido no artigo 45.1.a) da Lei 39/2015, do 1 de outubro, do procedemento administrativo común das administracións públicas.

Vigo, 17 de xaneiro de 2019

Ignacio Rial Santomé
Xefe territorial de Pontevedra

ANEXO

LMTS CTC RBT Soutelo II (Tomiño):

Nº	Cultivo	Nome e apelidos	Nº apoio	m2 solo	m2 subsolo	Concello
1	Carballeira	Descoñecido	1	1,44	17,40	Tomiño
2	Piñeiral madeireiro	Máximo Fernández Fernández	CT	16,81	5,28	Tomiño