Eu, María Teresa Vázquez Abades, letrada da Administración de xustiza do Xulgado do Social número 1 de Santiago de Compostela, fago saber que no procedemento de execución de títulos xudiciais 1/2019 deste xulgado do social, seguido por instancia de María Dolores García Jamardo contra Grupo Omote, S.L., Raúl Rey Santos e Fogasa, se ditaron as seguintes resolucións, cuxa partes dispositivas son do teor literal seguinte:
«Auto
Maxistrada xuíza: Ana María Souto González
Santiago de Compostela, 21 de xaneiro de 2019
Parte dispositiva
Dispoño: despachar orde xeral de execución da Sentenza sentencia nº 382/2017 do 4 de setembro de 2017, ditada no procedemento DOI 809/2016, aclarada mediante o auto do 10 de novembro de 2017, e revogada en suplicación por Sentenza do 11 de outubro de 2018, ditada pola Sala do Social do TSX da Coruña a favor da parte executante, María Dolores García Jamardo, fronte a Grupo Omote, S.L., Raúl Rey Santos, Fogasa, parte executada, en forma solidaria, por importe de 4.778,37 euros en concepto de principal (indemnización), máis outros 477,83 euros que se fixan provisionalmente en concepto de xuros que, de ser o caso, se poidan devindicar durante a execución e as custas desta, sen prexuízo da súa posterior liquidación.
Contra este auto poderase interpor recurso de reposición ante este órgano xudicial, no prazo dos tres días hábiles seguintes ao da súa notificación.
Así o acorda e asina SSª. Dou fe.
|
A maxistrada |
A letrada da Administración de xustiza». |
«Decreto
Letrada da Administración de xustiza: María Teresa Vázquez Abades.
Santiago de Compostela, 21 de xaneiro de 2019
Parte dispositiva
Para dar efectividade ás medidas concretas solicitadas, acordo:
– Requirir solidariamente as executadas Grupo Omote, S.L., Raúl Rey Santos co fin de que no prazo de dez días aboe a cantidade de 4.778,37 euros en concepto de principal (indemnización), máis outros 477,83 euros que se fixan provisionalmente en concepto de xuros que, de ser o caso, se poidan devindicar durante a execución e as custas desta, sen prexuízo da súa posterior liquidación, ingresando o dito importe na conta deste xulgado, aberta en Banco Santander, co número IBAN ES55 0049 3569 9200 0500 1274 (nº expediente xudicial 1589 0000 64 001 19), con apercibimento de que, en caso de non cumprir o requirimento no prazo conferido, se embargarán os seus bens para cubrir a dita suma, logo de indagación destes a través da aplicación informática deste xulgado.
– Requirir a Grupo Omote, S.L., Raúl Rey Santos, co fin de que no prazo de dez días, manifeste unha relación de bens e dereitos suficientes para cubrir a contía da execución, con expresión, de ser o caso, das cargas e gravames, así como, no caso de inmobles, se están ocupados, por que persoas e con que título, baixo apercibimento de que, no caso de non o verificar, poderá ser sancionado, cando menos, por desobediencia grave, en caso de que non presente a relación dos seus bens, inclúa nela bens que non sexan seus, exclúa bens propios susceptibles de embargo ou non desvele as cargas e gravames que pesen sobre eles, e poderánselle impor tamén multas coercitivas periódicas.
– Requirir a parte executante María Dolores García Jamardo, para que achegue número de conta bancaria da súa titularidade, co fin de transferir as cantidades que, de ser o caso, se puideren obter na presente execución.
Modo de impugnación. Contra esta resolución cabe recurso directo de revisión, que se deberá interpor ante este órgano xudicial no prazo dos tres días hábiles seguintes ao da súa notificación, con expresión da infracción que contén a xuízo do recorrente (artigo 188 da LXS).
A letrada da Administración de xustiza».
E para que sirva de notificación en legal forma a Grupo Omote, S.L., en ignorado paradoiro, expido este edicto para a súa inserción no Diario Oficial de Galicia.
Santiago de Compostela, 21 de xaneiro de 2019
A letrada da Administración de xustiza
