Eu, Rosana Corral García, letrada da Administración de xustiza do Xulgado do Social número 4 da Coruña, dou fe e certifico que neste xulgado se seguen autos número 1076/2015 por instancia de Jaime García Formoso contra a empresa Nutrifitness Personal Trainers, S.L. e o Fondo de Garantía Salarial, sobre cantidade, nos cales se ditou sentenza o 9.1.2019 que, copiada nos particulares necesarios, di así:
«Resolución
Estímase a demanda formulada por Jaime García Formoso fronte á empresa Nutrifitness Personal Trainers, S.L., con intervención do Fondo de Garantía Salarial e, en consecuencia, condénase a empresa Nutrifitness Personal Trainers, S.L. a aboar ao demandante a cantidade de mil douscentos corenta euros con vinte e dous céntimos de euro (1.240,22 euros).
Notifíquese a presente resolución ás partes, facéndolles saber que contra ela non cabe recurso de suplicación por razón da contía, sen prexuízo dos demais motivos previstos no artigo 191 da LRXS.
A competencia para coñecer o recurso de suplicación corresponderá, se é o caso, ao Tribunal Superior de Xustiza de Galicia, debendo anunciarse neste xulgado no prazo dos cinco días seguintes á notificación desta resolución, bastando a manifestación da parte ou do seu avogado, graduado social ou representante dentro do indicado prazo.
Se o recorrente non goza do beneficio de xustiza gratuíta deberá, no momento de anunciar o recurso, consignar a cantidade obxecto de condena, así como o depósito de 300 euros na conta de depósitos e consignacións que ten aberta este xulgado, facendo constar no ingreso o número de procedemento.
Así o acorda, manda e firma, Nicolás E. Pita Lloveres, maxistrado do Xulgado do Social número 4 da Coruña».
E para que conste, para os efectos da súa publicación no Diario Oficial de Galicia co fin de que sirva de notificación en forma á empresa Nutrifitness Personal Trainers, S.L. expido e asino a presente.
A Coruña, 15 de xaneiro de 2019
A letrada da Administración de xustiza