Convocada a provisión, polo sistema de libre designación, de varios postos de traballo vacantes na Consellería de Medio Ambiente, Territorio e Vivenda, anunciada pola Orde do 5 de novembro de 2018 (Diario Oficial de Galicia núm. 218, do 15 de novembro), de conformidade co establecido no artigo 92 da Lei 2/2015, do 29 de abril, do emprego público de Galicia, e no artigo 16 do Decreto 93/1991, do 20 de marzo, polo que se aproba o Regulamento de provisión de postos de traballo, promoción profesional e promoción interna, e no uso das atribucións conferidas polo artigo 17.2.c) da mesma lei, esta consellería
DISPÓN:
Primeiro
Resolver parcialmente a convocatoria pública para a provisión, polo sistema de libre designación, de varios postos de traballo vacantes na Consellería de Medio Ambiente, Territorio e Vivenda, anunciada pola Orde do 5 do novembro de 2018 (Diario Oficial de Galicia núm. 218, do 15 de novembro).
Segundo
Adxudicar destino nos postos de traballo que se indican e seleccionar os funcionarios que se relacionan no anexo desta orde.
Terceiro
O cesamento no destino actual dos funcionarios que obtiveron praza producirase no prazo de tres días hábiles, contados a partir do seguinte ao da data de publicación desta orde no Diario Oficial de Galicia.
O prazo para a toma de posesión do novo destino será de tres días hábiles a partir do seguinte ao do cesamento, se non implica cambio de residencia, ou de sete días hábiles se comporta cambio de residencia. Cando o funcionario obteña coa súa toma de posesión o reingreso ao servizo activo, o prazo será de vinte días hábiles, de conformidade co establecido no artigo único do Decreto 166/2013, do 14 de novembro, que modifica o artigo 14 do Regulamento de provisión de postos de traballo, promoción profesional e promoción interna, aprobado polo Decreto 93/1991, do 20 de marzo.
O cómputo dos prazos posesorios iniciarase cando rematen os permisos ou licenzas que, se é o caso, fosen concedidos aos interesados. Nos supostos de baixa temporal ou transitoria iniciarase a partir da correspondente alta.
Cuarto
A xefatura do centro en que cause baixa o funcionario, así como a de aquel en que obteña destino consignarán no título administrativo, dentro do prazo sinalado no punto anterior, as correspondentes dilixencias de ceseamento e toma de posesión.
Quinto
Contra esta orde, que pon fin á vía administrativa, os interesados poderán interpoñer recurso potestativo de reposición, ante este mesmo órgano, no plazo dun mes contado a partir do día seguinte ao da súa publicación no Diario Oficial de Galicia, de conformidade co establecido na Lei 39/2015, do 1 de outubro, do procedemento administrativo común das administracións públicas, ou directamente recurso contencioso-administrativo, no prazo de dous meses contados desde a mesma data, ante o xulgado do contencioso-administrativo competente, segundo o establecido na Lei 29/1998, do 13 de xullo, reguladora da xurisdición contencioso-administrativa.
Santiago de Compostela, 9 de xaneiro de 2019
Ángeles Vázquez Mejuto
Conselleira de Medio Ambiente, Territorio e Vivenda
ANEXO
Apelidos e nome |
NRP |
Subgrupo |
Corpo/escala |
Denominación |
Código |
Nivel |
Dependencia |
Localidade |
Franco Martínez, Manuel María |
7635798213 A2059 |
C2 |
Auxiliar da Administración xeral da Xunta de Galicia |
Secretario/a do/a conselleiro/a |
MA.C01.00.000.15770.003 |
20 |
Gabinete conselleiro |
Santiago de Compostela |
López Sánchez, Nieves |
3282687215 A2060 |
A1 |
Superior de Administración xeral da Xunta e Galicia |
Vicesecretario/a xeral |
MA.C02.00.001.15770.001 |
30 |
Secretaría Xeral Técnica |
Santiago de Compostela |
Martín Azpiazu, María Asunción |
3225953735 A2060 |
A1 |
Superior da Administración xeral da Xunta de Galicia |
Subdirector/a xeral de Réxime Xurídico, Coordinación Administrativa e Planificación |
MA.C02.00.002.15770.001 |
30 |
Secretaría Xeral Técnica |
Santiago de Compostela |
Sanmartín Vázquez, María Cristina |
3488472057 A2060 |
A1 |
Superior da Administración xeral da Xunta de Galicia |
Subdirector/a xeral de Contratación e do Patrimonio |
MA.C02.00.004.15770.001 |
30 |
Secretaría Xeral Técnica |
Santiago de Compostela |
Pita Baleato, María Inmaculada |
3329962524 A1146 |
C2 |
Xeral auxiliar do Estado |
Secretario/a do/da director/a xeral |
MA.C04.00.000.15770.003 |
18 |
Dirección Xeral de Patrimonio Natural |
Santiago de Compostela |
Gómez Apesteguía, Juan |
0181122646 A2067 |
A1 |
Facultativo superior da Xunta de Galicia, escala de veterinarios |
Subdirector/a xeral de Espazos Naturais |
MA.C04.00.001.15770.002 |
30 |
Dirección Xeral de Patrimonio Natural |
Santiago de Compostela |