Este órgano de contratación anuncia a desistencia do procedemento de contratación do lote 1 (procesos médicos, cirúrxicos e probas diagnósticas e terapéuticas) do expediente MA-SER4-18-002, de contratación polo Servizo Galego de Saúde de prestación de servizos de asistencia sanitaria especializada na EOXI de A Coruña, baseado nun erro manifesto, de acordo co establecido no artigo 155 do Real decreto lexislativo 3/2011, do 14 de novembro, polo que se aproba o texto refundido da Lei de contratos do sector público, baseado nunha infración non emendable das normas de preparación do contrato.

O erro consiste na falta de definición e na ambigüidade dos criterios de adxudicación nos pregos de cláusulas administrativas e de prescricións técnicas.

En cumprimento da legalidade vixente, anúnciase a desistencia por motivo dunha infración non emendable do lote 1 (procesos médicos, cirúrxicos e probas diagnósticas e terapéuticas) do procedemento aberto, mediante acordo marco anunciado pola Resolución do 2 de marzo de 2018, da Xerencia do Servizo Galego de Saúde (Diario Oficial de Galicia número 54, do 16 de marzo; Boletín Oficial del Estado número 65, do 15 de marzo e no Diario Oficial de la Unión Europea número 2018/S 046-101119, do 7 de marzo), tramitado para a contratación de prestación de servizos de asistencia sanitaria especializada na EOXI da Coruña (expediente MA-SER4-18-002).

Santiago de Compostela, 18 de decembro de 2018

O presidente do Servizo Galego de Saúde
P.S. (Decreto 43/2013, do 21 de febreiro, Orde do 5.7.2012)
Antonio Fernández-Campa García-Bernardo
Xerente do Servizo Galego de Saúde