De conformidade co disposto no artigo 44 da Lei 39/2015, do 1 de outubro, do procedemento administrativo común das administracións públicas, notificase ás persoas relacionadas no anexo o acto que se indica, logo de que fosen devoltas polo servizo de Correos por resultaren descoñecidos os seus destinatarios ou porque, intentada dúas veces as notificacións, estas non se puideron efectuar.

O acto foi adoptado polo Xurado Provincial de Clasificación de Montes Veciñais en Man Común de Pontevedra.

Segundo se establece no artigo 46 da citada lei, as persoas interesadas dispoñen dun prazo de dez (10) días, contados a partir do seguinte ao da publicación deste anuncio no Boletín Oficial del Estado, para examinaren estes actos no Servizo Xurídico-Administrativo da Xefatura Territorial do Medio Rural, situada na avenida María Victoria Moreno, 43, 2º andar, de Pontevedra, das 9.00 ás 14.00 horas, de luns a venres.

Transcorrido o dito prazo sen efectuarse a comparecencia, a notificación entenderase producida desde o día seguinte ao da súa publicación no taboleiro de edictos único (TEU) do Boletín Oficial del Estado (BOE).

A eficacia deste anuncio queda supeditada á súa publicación no taboleiro de edictos único (TEU) do Boletín Oficial del Estado (BOE).

Pontevedra, 5 de decembro de 2018

Antonio Crespo Iglesias
Presidente do Xurado Provincial de Clasificación de Montes Veciñais
en Man Común de Pontevedra

ANEXO

Expediente: monte Grobas.

Persoas interesadas: Eligio Manuel Bernárdez Troitiño, José Calvo García, Ricardo Coto Pichel, José Luis Lois Calviño, herdeiros de Victoria Madriñán Santorum, Juan Pablo Martínez Barros, Manuel Pernas Paz, Bernardo Rodríguez Fernández e herdeiros de Rosa Torrado Oubiña.

Acto notificado: resolución do recurso de reposición contra a clasificación do monte Grobas, solicitado polos veciños de Millarada (Forcarei-Pontevedra).