1. Resolución do 4 de xullo de 2018, da Consellería de Medio Ambiente e Ordenación do Territorio, pola que se encarga ao medio propio Empresa de Transformación Agraria, S.A., S.M.E., M.P. (Tragsa) a difusión dos valores naturais de áreas insulares protexidas no contorno do Parque Nacional Marítimo-Terrestre das Illas Atlánticas de Galicia. 2018. Cofinanciada nun 80 % pola Unión Europea a través do Fondo Europeo de Desenvolvemento Rexional (Feder) Galicia 2014-2020.
– Actividade: divulgación, educación ambiental e atención ao público nos centros de visitantes do parque nacional situados en Vigo, Cíes e Ons, así como elaboración de material divulgativo e informativo para a difusión, entre a poboación local e os visitantes, dos valores naturais do parque, a súa xestión e as súas relacións cos usos tradicionais.
– Natureza e alcance da xestión encomendada: esta encomenda ten natureza intersubxectiva ao ter a Empresa de Transformación Agraria, S.A., S.M.E., M.P. (Tragsa) a consideración de medio instrumental da Administración, segundo o disposto nos artigos 47 e 48 da Lei 16/2010, do 17 de decembro, de organización e funcionamento da Administración xeral e do sector público de Galicia.
– Prazo de vixencia: seis meses.
– Financiamento: tramitouse con cargo aos orzamentos da Comunidade Autónoma de Galicia para o ano 2018, o orzamento de execución ascende á cantidade de 299.999,86 €, con cargo a aplicación orzamentaria 07.03.541B.640.2, e está cofinanciada nun 80 % con fondos do programa operativo Feder Galicia 2014-2020, dentro do seu obxectivo específico 6.3.2 Protección, desenvolvemento e promoción das áreas naturais, en particular, as de interese turístico.
2. Resolución do 4 de xullo de 2018, da Consellería de Medio Ambiente e Ordenación do Territorio, pola que se encargan ao medio propio Empresa de Transformación Agraria, S.A., S.M.E., M.P. (Tragsa) as actuacións de recuperación da estrutura e composición da vexetación natural de hábitats de interese para a conservación do Parque Nacional Marítimo-Terrestre das Illas Atlánticas de Galicia. 2018. Cofinanciada nun 80 % pola Unión Europea a través do Fondo Europeo de Desenvolvemento Rexional (Feder) Galicia 2014-2020.
– Actividade: eliminación de flora exótica invasora e restauración e protección de hábitats naturais.
– Natureza e alcance da xestión encomendada: esta encomenda ten natureza intersubxectiva ao ter a Empresa de Transformación Agraria, S.A., S.M.E., M.P. (Tragsa) a consideración de medio instrumental da Administración, segundo o disposto nos artigos 47 e 48 da Lei 16/2010, do 17 de decembro, de organización e funcionamento da Administración xeral e do sector público de Galicia.
– Prazo de vixencia: seis meses.
– Financiamento: tramitouse con cargo aos orzamentos da Comunidade Autónoma de Galicia para o ano 2018, o orzamento de execución ascende á cantidade de 300.000 €, con cargo a aplicación orzamentaria 07.03.541B.601.1, e está cofinanciada nun 80 % con fondos do programa operativo Feder Galicia 2014-2020, dentro do seu obxectivo específico 6.4.1 Fomentar a xestión, protección e mantemento de espacios naturais e a súa biodiversidade, en particular os protexidos, que inclúan medidas para paliar os problemas de erosión, salinización, desertificación, deforestación e baixo nivel de materia orgánica.
Santiago de Compostela, 27 de novembro de 2018
Ángeles Vázquez Mejuto
Conselleira de Medio Ambiente, Territorio e Vivenda
