De conformidade co disposto no artigos 44 e 46 da Lei 39/2015, do 1 de outubro, do procedemento administrativo común das administracións públicas, logo de intentada a notificación persoal dúas veces, emprázanse as persoas interesadas para seren notificadas dos actos administrativos de citación emitidos nos procedementos instados polas referidas persoas interesadas que se relacionan no anexo.
As persoas interesadas ou persoas que legalmente as representen poderán comparecer, para teren coñecemento íntegro de acto e constancia del no prazo de dez (10) días contados desde o día seguinte ao da publicación deste anuncio no Boletín Oficial del Estado, na Unidade da Dependencia da Xefatura Territorial da Consellería de Política Social en Lugo, situada no centro base-rúa Serra dos Ancares, nº 68, baixo, das 9.00 ás 14.00 horas, de luns a venres.
Transcorrido o prazo sen efectuarse a comparecencia, a notificación entenderase producida.
Advírtese que, de non presentarse na data indicada no acto de citación unha vez notificado, se concorre a paralización do procedemento por causa imputable á persoa interesada, transcorridos tres meses se producirá a caducidade do procedemento e se acordará o seu arquivamento de conformidade co disposto no artigo 95 da Lei 39/2015, do 1 de outubro.
Lugo, 8 de novembro de 2018
María Cristina Abades Martínez
Xefa territorial de Lugo
