De acordo coa base cuarta da Resolución reitoral do 13 de setembro de 2018 (DOG núm. 180, do 20 de setembro) mediante a que se convocou un proceso selectivo para o ingreso na escala administrativa, subgrupo C1, pola quenda de promoción interna, esta reitoría en uso das competencias atribuídas pola Lei orgánica 6/2001, do 21 de decembro, de universidades, e polos estatutos da Universidade de Vigo,

RESOLVE:

Primeiro. Declarar aprobada e facer pública a relación definitiva de persoas admitidas e excluídas no devandito proceso de selección. A listaxe estará exposta no taboleiro de anuncios do Rexistro Xeral da Universidade de Vigo (edificio Exeria, Campus de Vigo) e no seguinte enderezo: https://www.uvigo.gal/universidade/administracion-persoal/pas/traballar-uvigo.

Segundo. Convocar as persoas aspirantes admitidas para a realización do exercicio da fase de oposición, o día 26 de xaneiro de 2019, ás 10.00 horas, nas aulas 7 e 8, da Facultade de Ciencias Económicas e Empresariais, Campus Vigo.

Contra esta resolución, que esgota a vía administrativa, poderase interpoñer un recurso perante a xurisdición contencioso-administrativa, no prazo de dous meses contados desde o día seguinte ao da súa publicación, de conformidade co disposto na Lei 29/1998, do 13 de xullo, reguladora da xurisdición contencioso-administrativa.

Non obstante, as persoas interesadas poderán optar por interpoñer contra esta resolución un recurso de reposición, no prazo dun mes contado a partir do día seguinte ao da súa publicación, perante o mesmo órgano que a ditou. Neste caso non se poderá interpoñer un recurso contencioso-administrativo ata que sexa resolto expresamente ou se producise a desestimación presunta do recurso de reposición interposto, segundo o previsto no artigo 123.2 da Lei 39/2015, do 1 de outubro, do procedemento administrativo común das administracións públicas.

Vigo, 29 de novembro de 2018

Manuel Joaquín Reigosa Roger
Reitor da Universidade de Vigo