De conformidade cos artigos 8 e 9 da Lei 16/2010, do 17 de decembro, de organización e funcionamento da Administración xeral e do sector público autonómico de Galicia, dáse publicidade á encomenda de xestión da Consellería de Infraestruturas e Mobilidade á Axencia Galega de Infraestruturas para a realización de determinadas actuacións en relación co proceso de expropiación dos bens e dereitos afectados polas obras de ampliación do Gran Montecelo, que ten as seguintes características:
– Obxecto: encomenda de xestión da Consellería de Infraestruturas e Mobilidade á AXI para a realización dos seguintes traballos:
• Elaboración e redacción dos pregos para a contratación da xestión expropiatoria.
• Elaboración dos informes técnicos precisos na fase de licitación.
• Dirección, xestión e execución do contrato de asistencia na expropiación.
• Aqueles procesos técnico-administrativos necesarios para a contratación do procedemento expropiatorio.
• Prestar asistencia técnica en todas as fases do proceso expropiatorio en especial, levantamento de actas previas e fase de prezo xusto.
– Natureza e alcance da xestión encomendada: esta encomenda ten natureza intersubxectiva ao realizarse entre órganos (Consellería de Infraestruturas e Mobilidade e Axencia Galega de Infraestruturas) dotados de personalidade xurídica propia e ser a Axencia Galega de Infraestruturas medio propio e servizo técnico da Administración xeral da Comunidade Autónoma de Galicia e dos poderes adxudicadores dependentes dela.
– Prazo de vixencia: o período de vixencia desta encomenda será de dous anos desde a súa sinatura.
– Supostos en que procede a finalización anticipada da encomenda: incumprimento total ou parcial dalgunha das partes ou mutuo acordo.
Santiago de Compostela, 16 de novembro de 2018
Joaquín Macho Canales
Secretario xeral técnico da Consellería de Infraestruturas e Mobilidade