José Pardo Lombao, alcalde do Concello de Outeiro de Rei, no exercicio das competencias que me atribúe o artigo 21.1 da Lei 7/1985, do 2 de abril, expoño:
Intentada a notificación cursada no seguinte procedemento, esta non se puido efectuar, polo que, en aplicación do artigo 44 da Lei 39/2015, do 1 de outubro, do procedemento administrativo común das administracións públicas e 22 da Lei 3/2007, de prevención e defensa contra os incendios forestais de Galicia, publícase o seguinte anuncio en cuxa virtude se fai saber:
Que con data de maio de 2018, cursouse denuncia achega do incumprimento das condicións de xestión da biomasa vexetal existente sobre a parcela 38, polígono 638, con referencia catastral 27039A038006380000GU, sita no termo municipal de Outeiro de Rei e que figura como de propietario descoñecido (en investigación).
Con data do 3 de setembro de 2018, o alcalde ditou orde de xestión consistente na curta dos piñeiros e eucaliptos existentes a unha distancia inferior a cincuenta metros lineais das edificacións lindeiras e coa advertencia de que, de non levar a puro e debido efecto, procederíase á súa execución subsidiaria por conta do denunciado e á incoación do expediente sancionador.
Finalizado o prazo outorgado, o interesado non compareceu no expediente nin deu cumprimento á orde de xestión, motivo polo cal, en virtude do presente, acórdase a execución subsidiaria da orde de xestión, así como a liquidación provisional dos custos de xestión por importe de 800 euros, que deberán ser ingresados na tesouraría municipal no prazo dun mes.
De non efectuarse o ingreso da contía liquidada, procederase á súa exacción por vía de constrinximento.
Contra o presente acordo, o interesado poderá interpoñer recurso potestativo de reposición no prazo dun mes para contar desde a práctica da presente notificación, ou ben interpoñer recurso contencioso-administrativo no prazo de dous meses ante o xulgado do contencioso-administrativo de Lugo.
Outeiro de Rei, 29 de outubro de 2018
José Pardo Lombao
Alcalde