O Pleno da Corporación, na sesión ordinaria que tivo lugar o día 15 de novembro de 2018, adoptou, entre outros, o seguinte acordo:

– Aprobar definitivamente a modificación puntual do Plan especial de protección e rehabilitación da cidade histórica (PE-1) para limitar os aloxamentos de carácter temporal no seu tecido residencial.

O acordo de aprobación definitiva publicarase no Diario Oficial de Galicia. Unha vez publicado o acordo, remitirase á Consellería de Medio Ambiente e Ordenación do Territorio a documentación exixida polo artigo 88.3 da LSG, para os efectos de inscribir a modificación puntual do PE-1 no Rexistro de Planeamento Urbanístico de Galicia.

Logo de que conste a inscrición no Rexistro, publicarase a normativa no Boletín Oficial da provincia.

Así mesmo, notificarase persoalmente o acordo ás persoas que formularon alegacións, dándolles traslado do acordo de aprobación provisional en que se contén o exame das alegacións presentadas.

Contra o acordo da aprobación definitiva da citada modificación puntual do PE-1 poderase interpoñer directamente recurso contencioso-administrativo ante o Tribunal Superior de Xustiza de Galicia no prazo de dous meses, contados a partir do día seguinte ao da publicación deste anuncio.

Santiago de Compostela, 16 de novembro de 2018

O alcalde
P.D. (Decreto do 28.6.2017)
Jorge Duarte Vázquez
Concelleiro delegado de Espazos Cidadáns, Dereito á Vivenda,
Mobilidade e Relacións Veciñais