Eu, María Jesús Hernando Arenas, letrada da Administración de xustiza do Xulgado do Social número 5 da Coruña, fago saber que no procedemento ordinario 665/2017 deste xulgado do social, seguido por instancia de Julio Gómez Mato contra Seguridad y Planificación Galicia, S.L., Fogasa, administración concursal Seguridad y Planificación, sobre ordinario, se ditou sentenza coa seguinte parte dispositiva:
Que debo estimar e estimo a demanda que en materia de cantidade foi interposta por Julio Gómez Mato contra a entidade Seguridad y Planificación Galicia, S.L. e a súa administración concursal. En consecuencia, debo condenar e condeno a entidade Seguridad y Planificación Galicia, S.L. a que lle aboe ao demandante a cantidade de 682,2 € brutos por diferenzas do complemento de perigosidade, vestiario e transporte devindicados entre xuño de 2016 e xuño de 2017, incrementadas no xuro do 10 % por mora e aplicable aos conceptos salariais.
Coa intervención procesual do Fondo de Garantía Salarial.
Notifíqueselles a presente resolución ás partes facéndolles saber que contra esta non cabe interpor recurso ningún.
E para que lle sirva de notificación en legal forma a Seguridad y Planificación Galicia, S.L., en ignorado paradoiro, expido o presente para a súa inserción no DOG.
Advírteselle ao destinatario que as seguintes comunicacións se farán fixando copia da resolución ou da cédula no taboleiro de anuncios da oficina xudicial, salvo o suposto da comunicación das resolucións que deban revestir forma de auto ou sentenza, ou cando se trate de emprazamento.
A Coruña, 23 de outubro de 2018
A letrada da Administración de xustiza