Eu, María Teresa Vázquez Abades, letrada da Administración de xustiza do Xulgado do Social número 1 de Santiago de Compostela, fago saber que no procedemento execución de títulos xudiciais 114/2018 deste xulgado do social, seguido por instancia de Leticia López Martínez contra Diseño As Cancelas, S.L., Diseño Pontevedra, S.L., Diseño Ramón Cabanillas 16, S.L., José A. Iglesias Garaboa, Diseño Hórreo 51 bajo, S.L., Iglesias Garaboa José A. y Otra, C.B., Team Salon, S.L., Team Salo, S.L. e Fogasa, se ditou a seguinte resolución cuxa parte dispositiva é do teor literal seguinte:

Decreto.

Letrada da Administración de xustiza María Teresa Vázquez Abades.

Santiago de Compostela, 3 de outubro de 2018.

Parte dispositiva.

Acordo:

a) Declarar os executados Diseño As Cancelas, S.L., Diseño Pontevedra, S.L., Diseño Ramón Cabanillas 16, S.L., José A. Iglesias Garaboa, Diseño Hórreo 51 bajo, S.L., Iglesias Garaboa José A. y Otra, C.B., Team Salon, S.L., Team Salo, S.L. e Fogasa en situación de insolvencia total por importe de 8.657,35 euros en concepto de principal (6.737,60 euros en concepto de salarios, vacacións, mellora voluntaria de IT e plus de transporte, e 1.919,75 euros en concepto de xuros do artigo 29.3 do ET), máis outros 865,73 euros que se fixan provisionalmente en concepto de xuros que, se é o caso, se poidan devindicar durante a execución e as custas desta, sen prexuízo da súa posterior liquidación, insolvencia que se entenderá para todos os efectos como provisional.

b) Arquivar as actuacións logo de anotación no libro correspondente, sen prexuízo de reaperturar a execución, se a partir deste momento se coñecen novos bens das executadas.

c) Unha vez asine a presente resolución, procédase á súa inscrición no rexistro correspondente.

d) Expedir os testemuños das resolucións procedentes que se entregarán á parte executante na oficina xudicial deste xulgado.

Modo de impugnación: contra a presente resolución cabe recurso directo de revisión que deberá interpoñerse ante quen dita a resolución no prazo de tres días hábiles seguintes á notificación desta con expresión da infracción cometida nesta a xuízo do recorrente, artigo 188 da LXS.

A letrada da Administración de xustiza.

E para que sirva para efectos publicitarios a declaración de insolvencia de José A. Iglesias Garaboa e Iglesias Garaboa José A. y Otra, C.B., procédase á súa inserción no Diario Oficial de Galicia.

Santiago de Compostela, 22 de outubro de 2018

A letrada da Administración de xustiza