Eu, Ana Belén Jorge Rogel, letrada da Administración de xustiza da Sección Quinta da Audiencia Provincial da Coruña, fago saber que na peza de apelación que se dirá se ditou sentenza con data do 9 de xullo de 2018, cuxo encabezamento e parte dispositiva é do teor literal seguinte:
Na Coruña o seis de xullo de dous mil dezaoito.
No recurso de apelación civil número 461/2017, interposto contra a sentenza ditada polo Xulgado de Primeira Instancia número 1 de Corcubión, en xuízo ordinario número 67/13, sobre declaración de dominio e outros aspectos, seguido entre partes, como apelantes, María Luisa e Marcelino Martínez Poch, Concepción, Mercedes, Antonio, Francisca, Josefa e María Dolores Molina Poch, representados polo/a procurador/a Sr./a. Leis Espasandín; como apelantes, Manuel, Alberto, Estrella, Montserrat Romero Pose, representados polo/a procurador/a Sr./a. Leis Espasandín; como apelado, C. Montes de Areosa e Arxomil, representada polo/a procurador/a Sr./a. García Lijó, e como partes declaradas en rebeldía Aryrec Maceiras, S.A. e herdeiros descoñecidos e incertos de Mercedes Poch Díaz de Rábago. É relatora Mª Carmen Martelo Pérez.
Decido desestimar o recurso de apelación interposto pola representación de María Luisa e Marcelino Martínez Poch, Concepción, Mercedes, Antonio, María Francisca, Josefa e María Molina Poch e desestimar o recurso de apelación interposto pola representación de Manuel, Alberto, Estrella e Monserrat Romero Pose contra a sentenza ditada, en data do 19 de maio de 2017, polo Xulgado de Primeira Instancia número 1 de Corcubión, en autos de xuízo ordinario seguidos co número 67/2013, dos cales dimana esta peza, e confirmar a sentenza apelada, con imposición das custas causadas na alzada ás partes recorrentes.
Declárase a perda dos depósitos constituídos para recorrer en apelación, aos cales se dará o curso legal correspondente.
E para que conste e sirva para a inserción no Diario Oficial de Galicia (DOG) co obxecto de notificar as partes declaradas en rebeldía herdeiros descoñecidos e incertos de Mercedes Poch Díaz de Rábago, expido e asino este edicto. Dou fe.
A Coruña, 31 de xullo de 2018
A letrada da Administración de xustiza
