A Orde do 11 de xullo de 2018 pola que se establecen novas bases reguladoras das subvencións destinadas a constituír sociedades de fomento forestal (Sofor) e se convocan para o ano 2018, establece no artigo 33 que o prazo de xustificación para a primeira anualidade terminará o día 31 de outubro de 2018.
Valorando a escasa marxe que existirá entre a notificación da concesión das subvencións e a data fixada no devandito artigo para que as beneficiarias executen a primeira anualidade, posponse ao 19 de novembro de 2018.
En consecuencia, de conformidade co previsto no artigo 30.1.3 do Estatuto de autonomía de Galicia e no uso das facultades que me confire a Lei 9/2007, do 13 de xuño, de subvencións de Galicia, e no uso das competencias que me confire a Lei 1/1983, do 22 de febreiro, de normas reguladoras da Xunta e da súa Presidencia,
DISPOÑO:
Artigo único. Modificación da letra a) do artigo 33 da Orde do 11 de xullo de 2018 pola que se establecen novas bases reguladoras das subvencións destinadas a constituír sociedades de fomento forestal (Sofor) e se convocan para o ano 2018
A letra a) do artigo 33 queda redactada do seguinte modo:
«a) O día 19 de novembro de 2018 para a primeira anualidade».
Disposición derradeira única. Entrada en vigor
Esta orde entrará en vigor o día seguinte ao da súa publicación no Diario Oficial de Galicia.
Santiago de Compostela, 25 de outubro de 2018
José González Vázquez
Conselleiro do Medio Rural