Outorgada a declaración de utilidade pública que leva implícita a urxente ocupación dos bens e dereitos afectados pola instalación eléctrica denominada parque eólico Mouriños, nos concellos de Zas e Cabana de Bergantiños (expediente IN661A 2011/10-1), por acordo do Consello da Xunta de Galicia, do 27 de setembro de 2018, a favor da entidade beneficiaria Renovables Aragón, S.L.U., con enderezo en avenida de Arteixo, 171, 15007 A Coruña.

Esta xefatura territorial, de conformidade cos artigos 52 da Lei de expropiación forzosa, do 16 de decembro de 1954, e 56 do seu Regulamento, do 26 de abril de 1957, acorda sinalar o día 17 de decembro de 2018, no concello de Zas, e os días 18 e 19 de decembro de 2018, no concello de Cabana de Bergantiños, para o levantamento das actas previas á ocupación, nas cales se describirán os bens ou dereitos expropiables e de imposición de servidume de paso de enerxía eléctrica, contidos na relación de predios que se expón xunto con esta resolución no taboleiro de edictos dos referidos concellos, deducida da que se someteu a información pública no DOG do 4 de xullo de 2017, no BOP do 22 de xuño, e no xornal La Voz de Galicia do 29 de xuño, acto a que deberán concorrer as persoas propietarias ou titulares de dereitos sobre os predios propostos como afectados, ás cales se lles practicará notificación individual sinalándolles os horarios de toma de datos sobre o terreo e do levantamento efectivo das actas nas oficinas da casa consistorial do dito concello.

Cando as persoas propietarias ou titulares de dereitos sobre os predios afectados sexan descoñecidas ou se ignore o lugar de notificación, dirixiranse ao Ministerio Fiscal as dilixencias que se produzan destas, de conformidade co artigo 5 da Lei de expropiación forzosa. Neste caso, igualmente, publicarase un anuncio no taboleiro de edictos único (TEU) do Boletín Oficial del Estado (BOE).

A Coruña, 10 de outubro de 2018

Isidoro Martínez Arca
Xefe territorial da Coruña