O 26 de setembro de 2018 a xefa territorial de Pontevedra ditou acordo de inicio do expediente sancionador 2018442AL-PO contra José Manuel Villaverde Troncoso, co DNI 36125500K, como titular do establecemento denominado Los Pinchitos al Alba.
Tras intentar a notificación deste acordo consonte o artigo 40 e seguintes da Lei 39/2015, do 1 de outubro, do procedemento administrativo común das administracións públicas, non puido practicarse, polo que mediante esta cédula notifícaselle a José Manuel Villaverde Troncoso o contido do dito acordo, que figura no anexo, segundo o disposto no artigo 44 da dita lei, para o seu coñecemento.
Así mesmo, fáiselle saber o dereito que o asiste, ao abeiro do disposto no artigo 76 da Lei 39/2015, do 1 de outubro, do procedemento administrativo común das administracións públicas, a presentar alegacións ante esta xefatura territorial no prazo de 15 días hábiles, contado desde o seguinte ao da publicación desta cédula, lembrándolle o seu dereito a consultar o expediente, depositado nas dependencias desta xefatura, sita en Pontevedra, no Edificio Administrativo da Xunta de Galicia, avenida María Victoria Moreno, núm. 43-1º andar, e obter, se é o caso, copia del, segundo o previsto no artigo 53.1.a) da dita lei.
Notifícaselle tamén que, de non efectuar alegacións sobre o contido do dito acordo no citado prazo, o acordo de inicio poderá ser considerado proposta de resolución cando conteña un pronunciamento preciso acerca da responsabilidade imputada, consonte o artigo 64.2.f) da Lei 39/2015.
Advírteselle de que antes da resolución do procedemento ten dereito ás reducións establecidas no artigo 85 da Lei 39/2015.
Esta cédula expídese para que conste e lle sirva de notificación ao interesado, en cumprimento do disposto no artigo 44 da Lei 39/2015, do 1 de outubro. Así mesmo, faise constar que a eficacia da notificación quedará supeditada á súa publicación no TEU do BOE.
Pontevedra, 11 de outubro de 2018
Ángeles Feijoo-Montenegro Fernández
Xefa territorial de Pontevedra
ANEXO
Número de expediente: 2018442AL-PO.
Denunciado: José Manuel Villaverde Troncoso.
DNI: 36125500K.
Enderezo: rúa Ribelas, 60, Matamá, 36213 Vigo.
Feito imputado: suposta infracción do previsto no Regulamento (CE) 852/2004, do 29 de abril, relativo á hixiene dos produtos alimenticios:
• Artigo 3, Obrigacións xerais dos operadores de empresa alimentaria.
• Artigo 4, Requisitos xerais e específicos en materia de hixiene.
• Artigo 5, Sistema de análise de perigos e puntos de control crítico.
Anexo II:
• Capítulo I, puntos 1, 2, 4, 10.
• Capítulo II, puntos 1, 3.
• Capítulo V, punto 1.
• Capítulo VI, puntos 1, 2.
• Capítulo IX, puntos 2, 3, 5, 7.
Tipificación: unha infracción administrativa tipificada como grave no artigo 51 punto 2 da Lei 17/2011, do 5 de xullo, de seguridade alimentaria e nutrición: «O incumprimento dos requisitos en materia de seguridade alimentaria, cando represente un risco para a saúde pública e sempre que non poda considerarse unha infracción moi grave».
Sanción proposta: cinco mil un euros (5.001 €).