O Pleno da Corporación, en sesión que tivo lugar o día 30 de agosto de 2018, acordou aprobar definitivamente o expediente 28/2017.PED de estudo de detalle do extremo nordés do cuarteirón entre as rúas Caracas e Barcelona, no núcleo de Meicende, asinado polos arquitectos Álvaro Fernández Carballada e Beatriz Aneiros Filgueira, con data de outubro de 2017, e tramitado por instancia de Construcciones y Promociones Riazor, S.A.
Así mesmo, acordouse levantar a suspensión do outorgamento de licenzas no ámbito do estudo de detalle.
Contra o acordo de aprobación definitiva deste estudo de detalle, instrumento de planeamento que ten natureza de disposición xeral, poderase interpoñer recurso contencioso-administrativo, perante a sala correspondente do Tribunal Superior de Xustiza de Galicia, no prazo de dous meses contados a partir do día seguinte ao da publicación deste anuncio (artigo 46 da Lei 29/1998, do 13 de xullo, reguladora da xurisdición contencioso-administrativa).
O contido íntegro do estudo de detalle pódese consultar no seguinte enderezo electrónico: https://sede.arteixo.org/gl/informacion/verificacion_documentos/ introducindo o seguinte código de verificación do documento (CVD): Ntjrg7e1GdDwEoi5YOji
Arteixo, 3 de outubro de 2018
O alcalde
P.D. (Decreto 1336, do 6.7.2015)
Luís Alberto Castro Calvete
Concelleiro do Departamento de Urbanismo e Medio Ambiente