Para xeral coñecemento, de conformidade co disposto nos artigos 72 e 104 e seguintes da Lei 29/1998, do 13 de xullo, reguladora da xurisdición contencioso-administrativa, faise público que a sección segunda da sala do contencioso-administrativo do Tribunal Superior de Xustiza de Galicia, con data do 1 de marzo de 2018, pronunciou a sentenza número 76/2018, ditada no procedemento ordinario nº 4260/2016, interposto pola procuradora Raquel Iglesias Regueira, en nome e representación de Francisco Álvarez González, sentenza que, na súa parte dispositiva, literalmente di:
«1) Estimar o recurso contencioso-administrativo interposto pola procuradora Raquel Iglesias Regueira, en nome e representación de Francisco Álvarez González; contra a Orde do 25 de febreiro de 2016 pola que se aproba definitivamente o PXOM da Rúa (Ourense), publicada no DOG do 11 de marzo de 2016; polo que procede a súa anulación parcial coa correspondente declaración de que os dous predios sinalados no fundamento xurídico primeiro desta sentenza son o solo urbano consolidado, e procede a anulación da delimitación do SUNC-9 de solo urbano non consolidado descontinuo, con relación a estas dúas parcelas e como consecuencia da súa cualificación como sistema xeral de espazos libres.
2) Impoñer o pagamento das custas procesuais á parte demandada e codemanda dentro do límite respectivo de 1.500 euros para cada unha delas».
A citada sentenza foi declarada firme.
Santiago de Compostela, 5 de outubro de 2018
María Encarnación Rivas Díaz
Directora xeral de Ordenación do Territorio e Urbanismo