DCT. Divorcio contencioso 878/2017
Procedemento de orixe: sobre divorcio contencioso
Demandante: Marina Vázquez Rodríguez
Procurador: Manuel Castells López
Avogada: Patricia Álvarez Canella
Demandado: Álvaro Araújo Pérez
Eu, Sarai Paniagua Acera, letrada da Administración de xustiza do Xulgado de Primeira Instancia número 5 de Vigo, por este edicto
Anuncio:
Neste procedemento de divorcio contencioso, seguido por instancia de Marina Vázquez Rodríguez contra Álvaro Araújo Pérez, ditouse sentenza cuxo teor literal é o seguinte:
Sentenza.
Vigo, 8 de xuño de 2018.
Vistos por min, María del Pilar Cao Fernández, maxistrada do Xulgado de reforzo dos xulgados de Primeira Instancia número 5 e número 12 de Vigo, estes autos de divorcio contencioso co número 878/2017, seguidos por instancia de Marina Vázquez Rodríguez, representada polo procurador dos tribunais Manuel Castells López e asistida da letrada Patricia Álvarez Canella, contra Álvaro Araújo Pérez, en situación procesual de rebeldía, resulta o seguinte:
(Seguen antecedentes de feito e fundamentos de dereito).
Resolvo que debo estimar e estimo a demanda de divorcio interposta polo procurador dos tribunais Manuel Castells López, en nome e representación de Marina Vázquez Rodríguez, contra Álvaro Araújo Pérez, declarado en situación procesual de rebeldía, e por iso debo acordar e acordo a disolución por divorcio do matrimonio formado por Marina Vázquez Rodríguez e Álvaro Araújo Pérez, con todos os efectos legais, e que se acordan as seguintes medidas:
– Atribúeselle o uso e desfrute da vivenda que foi o domicilio familiar, sita na avenida Ramón Nieto, nº 321, portal 2, piso 5º E (ou ático E) de Vigo, así como o mobiliario deste, a Marina Vázquez Rodríguez.
– Álvaro Araújo Pérez está obrigado a satisfacer a favor de Marina Vázquez Rodríguez unha pensión compensatoria na contía de 300 euros mensuais, cantidade que deberá ingresar na conta que se designe para o efecto, dentro dos cinco primeiros días de cada mes, cantidade que será actualizada cada ano conforme o IPC.
Non se efectúa expresa imposición das custas procesuais causadas.
Notifíqueselles esta resolución ás partes, con apercibimento de que non é firme e que contra ela cabe interpor recurso de apelación ante este xulgado, nos termos e prazos establecidos no artigo 458 e seguintes da Lei de axuizamento civil, para a súa resolución pola Audiencia Provincial de Pontevedra.
Así, por esta miña sentenza, da cal se unirá certificación aos autos da súa razón, e definitivamente xulgando nesta instancia, pronúncioo, mándoo e asínoo.
Ao encontrarse o dito demandado, Álvaro Araújo Pérez, en paradoiro descoñecido, expídese este edicto co fin de que lle sirva de notificación en forma.
Vigo, 11 de setembro de 2018
A letrada da Administración de xustiza
