Advertido erro na Resolución do 18 de abril de 2018, do xerente de Xestión Integrada da Coruña, pola que se anuncia a convocatoria pública para a provisión dun posto de xefe/a de Grupo de Control da Aplicación do Plan de eficiencia enerxética, publicada no Diario Oficial de Galicia número 90, do 11 de maio de 2018, procede efectuar a oportuna corrección no anexo IV, nos seguintes termos.

Primeira: no punto 2.a). Méritos específicos. Experiencia profesional, engádese o seguinte mérito:

«– En postos pertencentes á área funcional en que se incardina o posto convocado: 0,125 puntos por mes».

Poderán presentar solicitude de participación, nun prazo de vinte días naturais contados a partir do día seguinte ao da publicación desta corrección de erros no Diario Oficial de Galicia, todas aquelas persoas que reunindo os requisitos recollidos na base primeira do anexo I, desexen participar na convocatoria de provisión dun posto de xefe/a de grupo de control da aplicación do Plan de eficiencia enerxética, e houbesen ou non presentado solicitude de participación no prazo inicial.

En cumprimento da base décima do anexo I da Resolución do 18 de abril de 2018, a publicación dos actos e resolucións que se diten na tramitación deste procedemento realizarase nos taboleiros de anuncios da Xerencia de Xestión Integrada da Coruña, na páxina web do Espazo do profesional da mesma xerencia e na páxina web do Servizo Galego de Saúde (www.sergas.es)

A Coruña, 10 de setembro de 2018

Luis Verde Remeseiro
Xerente de Xestión Integrada da Coruña