Advertido erro na Resolución do 18 de abril de 2018, da Xerencia de Xestión Integrada da Coruña, pola que se anuncia a convocatoria pública para a provisión de tres postos de xefe/a de Grupo de Tarde-Noite de mantemento na Xerencia de Xestión Integrada da Coruña, publicada no Diario Oficial de Galicia número 90, do 11 de maio de 2018, procede efectuar as oportunas correccións nos anexos I e IV, nos seguintes termos.
Primeira. Anexo I: requisitos dos aspirantes.
Onde di:
«a) Tendo en conta as funcións que se desenvolvan, definidas no anexo II, deberase ter a condición de persoal estatutario, en situación de servizo activo na categoría electricista con vínculo de fixeza e situación de servizo activo na categoría profesional».
Debe dicir:
«a) Tendo en conta as funcións que se desenvolvan, definidas no anexo II, e os coñecementos e destrezas específicos dos postos, ademais das actividades e procedementos de traballo, especialmente no ámbito dos incidentes de carácter eléctrico, por ser estes os de más incidencia na actividade de tarde e de noite, deberase ter a condición de persoal estatutario na categoría de electricista, con vínculo de fixeza e situación de servizo activo na categoría profesional».
Segunda. Anexo IV: no punto 2.a). Méritos específicos. Experiencia profesional, engádese o seguinte mérito:
«– En postos pertencentes á área funcional en que se incardina o posto convocado: 0,125 puntos por mes».
Poderán presentar solicitude de participación, nun prazo de vinte días naturais contados a partir do día seguinte ao da publicación da presente corrección de erros no Diario Oficial de Galicia, todas aquelas persoas que reunindo os requisitos recollidos na base primeira do anexo I, desexen participar na convocatoria de provisión de tres postos de xefe/a de grupo de tarde/noite de mantemento, e houbesen ou non presentado solicitude de participación no prazo inicial.
En cumprimento da base décima do anexo I da Resolución do 18 de abril de 2018, a publicación dos actos e resolucións que se diten na tramitación deste procedemento realizarase nos taboleiros de anuncios da Xerencia de Xestión Integrada da Coruña, na páxina web do Espazo do profesional da mesma Xerencia e na páxina web do Servizo Galego de Saúde (www.sergas.es).
A Coruña, 10 de setembro de 2018
Luis Verde Remeseiro
Xerente de Xestión Integrada da Coruna