O Acordo de concentración parcelaria da zona de San Xiao de Mos (Castro de Rei-Lugo) foi aprobado pola dirección xeral competente por razón da materia con data do 25 de setembro de 2011, publicado e notificado na forma legalmente establecida e atópase na actualidad e pendente de firmeza.

Con posterioridade a estes actos, o Concello de Castro de Rei solicitou a cesión da titularidade dos predios que a seguir se indican para os fins que se sinalan:

– Predio nº 269, para área recreativa e instalación da caseta de rega de colonización.

– Predio nº 283 para aparcadoiro.

– Predio nº 230 para ampliación de cemiterio parroquial.

Vista a proposta da Xunta Local da zona, a disposición transitoria primeira da Lei 4/2015, do 17 de xuño, de mellora da estrutura territorial agraria de Galicia; a Lei de reforma e desenvolvemento agrario, do 12 de xaneiro de 1973; a Lei 10/1985, do 14 de agosto, de concentración parcelaria para Galicia, modificada pola Lei 12/2001, do 10 de setembro; a Lei 6/2011, do 13 de outubro, de mobilidade de terras; a Lei 39/2015, do 1 de outubro, do procedemento administrativo común das administracións públicas e demais disposicións vixentes de aplicación ao caso.

Á vista dos destinos para os cales se solicitan os referidos predios e que son perfectamente subsumibles no suposto recollido no artigo 32 da antedita lei galega, esta dirección xeral

RESOLVE:

1. Modificar o Acordo de concentración parcelaria da zona de San Xiao de Mos (Castro de Rei-Lugo), no sentido de adxudicar ao Concello de Castro de Rei a titularidade dos predios nº 269, 283 e 230, que causan baixa no Fondo de Terras da zona, para seren destinadas aos fins que se recollen na parte expositiva da presente resolución.

2. Transcorridos cinco anos desde a cesión das propiedades sen que os predios fosen destinados aos fins para os cales son adxudicados, a titularidade dos referidos predios reverterá sobre o Fondo de Terras ou masa común da zona, ao patrimonio da Comunidade Autónoma, á Axencia Galega de Desenvolvemento Rural (Agader) ou a outra entidade que corresponda, segundo o caso.

Lugo, 19 de setembro de 2018

María Olga Iglesias Fontal
Xefa territorial de Lugo