A Lei 14/2007, do 30 de outubro, pola que se crea e regula o Instituto Galego de Seguridade e Saúde Laboral, regula no seu artigo 16 a composición e o procedemento de nomeamento das persoas vogais do Consello Galego de Seguridade e Saúde Laboral.

Conforme o previsto na devandita lei, realizouse proposta de designación e de cesamento por parte da Confederación de Empresarios de Galicia (CEG) dunha persoa vogal integrante do Consello Galego de Seguridade e Saúde Laboral.

En consecuencia, no exercicio das atribucións conferidas de conformidade co disposto no artigo 34 da Lei 1/1983, do 22 de febreiro, de normas reguladoras da Xunta e da súa Presidencia,

RESOLVO:

Artigo único. Substitución de vogal

Por proposta da Confederación de Empresarios de Galicia (CEG):

En calidade de titular:

a) Disponse o cesamento de Mario Cardama Barrientos.

b) Disponse o nomeamento de Ramón Sancho Piñeiro.

Disposición derradeira única. Entrada en vigor

Esta orde entrará en vigor o día seguinte ao da súa publicación no Diario Oficial de Galicia.

Santiago de Compostela, 12 de setembro de 2018

Francisco José Conde López
Conselleiro de Economía, Emprego e Industria